Irabazlea: Amaia Muñoz Lopetegi eta Maite Martinez Zabaleta

Iktusa

Iktusa garrantzi epidemiologiko handia duen gaitza da, hilkortasun eta ezintasun kausa nagusien artean kokatzen baita. Bizi-itxaropena handitu eta gizartea zahartzearekin batera, gainera, hazten ari da gaitz honen prebalentzia.

Iktusaren eboluzioa, baina, ez da alor epidemiologikora mugatzen, gaitz honen maneiua zeharo aldatu baita azken hamarkadotan, honekin batera pronostikoa hobetuz. Hasierako kapituluek egitura klasikoago bat jarraitzen duten arren (iktusaren kontzeptua, fisiopatologiaren araberako sailkapena, kaltetutako eremuaren araberako aurkezpen kliniko ezberdinak, diagnostiko bereizlearen nondik norakoak, etab.), ikuspegi gaurkotua aurkeztu nahi izan dugu tratamendua eta pazienteen maneiu orokorrari dagokionean, aro berri honek ekarri dituen aldaketak nabarmenduz: osasun-zerbitzuen antolakuntza modu eraginkorragoak (iktus-kodea, iktus unitateak), errebaskularizazio teknikak (fibrinolisia zein hodi-barneko teknikak), diagnostikoa zehazten lagundu duten irudi-proba berriak (angio-OTA, perfusio-OTA), errehabilitazioaren garrantzia, bigarren mailako prebentzioaren papera, etab. Tarte bat utzi dugu, gainera, etorkizun hurbilean eskuartean izatea espero genezakeen bestelako baliabideak aipatzeko. Iktus mota bakoitzaren tratamendu espezifikoa ere landu dugu amaitzeko.

Lana Medikuntzako unibertsitate ikasketak euskaraz burutzen ari diren ikasleei dago bereziki zuzendua. Hartara, ulerterraza eta praktikoa izan dadin bilatu dugu. Testuan aipatutakoa osatu asmoz, irudi, taula eta laburpenak gehitu ditugu, baita informazioaren iturrira jotzeko erreferentzia bibliografikoak ere. 

Azken Berriak

XVII. Pediatria Topaketak: matrikula egin eta komunikazioak bidaltzeko epea zabalik

Apirilaren 3an XVII. Pediatria Topaketak izango dira Eibarren. Adituen hitzaldi batzuk egongo dira, interesezko gaien inguruan. Gero, elkarrekin aisialdi-tarte bat izan ostean, bertaratutako pediatra eta erizainek beraien lan eta ikerketak aurkezteko au...

Osasungintza euskalduntzearen aldeko atxikimendu-bilketa abiatu dute

"Euskal Herri osasuntsu eta berdinzaleago baten osaketarako ezinbesteko tresna da osasungintza publikoa, duina eta kalitatezkoa. Eta kalitatezkoa izango bada, euskalduna izan beharko da", diote EHE-Euskal Herrian Euskarazek eta Aintzat osasung...

Berri +