PILOTARIEN ALDAKAKO PATOLOGIA
Egileak:
SUSANA GIL **
ELI HIJONA **
ZULEMA FERNANDEZ ***
JOSE A. LOPEZ ***
* Errendimendu Handiko Saila, Soin Hezkuntzako Euskal Erakundea, EHU. ; ** Basurtuko Institutu Medikoa, EHU.; *** Galdakaoko Ospitalea, Erradiodiagnostikoko Zerbitzua, Osakidetza.
Sarrera
SARRERA
Ariketa fisiko moderatuak ez du aldakako artrosirik (koxartrosia = KA) sortzen; aldiz, tenisean eta futbolean aritzeak bai. Inpaktu handiko eta tortsio mugimenduek giltzaduraren kartilagoaren eta kartilagoaren azpian dagoen hezurraren lesioa eragin dezakete.
Proiektu honen helburua, pilotan urte askoan aritzearen eta aldakako koxartrosiaren arteko erlazioa argitzea izan zen.
Helburuak
Metodoak
METODOAK
27 pilotarik (batez besteko adina 52,8) eta kontrolerako 37 pertsonak hartu zuten parte (batez besteko adina 58,9). Kontrolerako pertsonak urografia egitera joaten ziren eta ez ziren inoiz pilotan ibiliak. Koxartrosi klinikoa neurtzeko Lequesneren galdeketa eta Ameriketako Erreumatologia Elkargoaren (ARC) irizpideak erabili genituen. Era berean, pelbiseko erradiografietan hauek neurtu genituen: giltzaduraren tarterik txikiena (KA = 2.5mm), Kellgren-en eskala (KA= 2) eta Croft-en indizea (KA = 3). Parte-hartzaileek jakinaren gaineko baimena sinatu zuten eta Etika Batzordeak onartu egin zuen ikerketa. SPSS programarekin studen-t testa eta chi karratua erabili genituen.
Emaitzak
EMAITZAK
6 pilotari ez ziren jadanik pilotan aritzen aldakan mina zutelako, gainontzekoek oraindik jokatzen zuten. Kontrolerako pertsonen % 8,1ek mina zuten aldakan; ordea, pilotarien % 46,2k (p<0.001). Mina, batez ere, partidak jokatu eta gero izaten zuten, eta jokatu ondoko egunean edo bi egunetan. Pilotarien erdiek eskumako aldakan zuten mina, % 41,6k ezkerrean eta % 8,3k bietan.
Klinikoki jokalarien % 38,4k (n=10) izan zuten koxartrosia; kontrolerako pertsonen artean, aldiz, % 8,1ek (n=3) (p<0.01). Pilotarien % 19,2 betetzen zituzten ARC-ren koxartrosiaren irizpideak. Erradiografietan koxartrosia zuten jokalarien kopurua kontrolerako pertsonena baino altuagoa zen, bereziki eskumako aldakan.
Ondorioak
ONDORIOAK
Pilotarien artean koxartrosia izateko arrisku handia dago. Antza denez, eskumako aldakak arrisku handiagoa du. Sintomatologia larriagoa da erradiografietan dauden aldaketak baino. Izan daiteke kartilagoaren, eta batez ere, kartilagoaren azpian dagoen hezurraren trastornoa; hezurreko hematoma alegia; horrela, mina partiden ondoren agertzen da. Ikerlan gehiago behar ditugu koxartrosiaren eta kirol honen arteko erlazioa ezagutzeko.
BIBLIOGRAFIA
Buckwalter JA, Martin JA (2004). Sports and osteoarthritis. Curr Opin Rheumatol 16(5) : 634-9
Bollet AJ (2001). Bone marrow edema and pain in osteoarthritis. Annals Int Med 134(7) : 591-2
Hart D, Spector T (1995). The classification and assessment of osteoarthritis. Bailli Clin Rheumatol 9(2) : 427-32
Bibliografia
Azken Berriak
Sarean dira "Osatuberri" aldizkariko irakurgai berriak
Osasun Biltzarrean izena eman nahi duzu?
