Sarrera

Haur Obesitatea arazo handia da eta askotan zaila izaten da konpontzea.

Helburuak

Elkarrizketa motibazionalean oinarritutako interbentzio programaren eraginkortasuna balioztatzea da helburua. Lehen mailako arretan, gehiegizko pisua daukaten haurrengan elikadura osasuntsua, ariketa fisikoa eta Gorputz Masa Indizearen beherakada (GMI) bultzatzea da xedea.

Metodoak

Lehen mailako arretako pediatriako 5 kontsultatatik gehiegizko pisua daukaten 6 eta 12 urte bitarteko haurrak hartu dira. Programak urtebeteko iraupena dauka, eta hemen 3 hilabeteren jarraipenaren bukaeran egindako bitarteko kontrolaren atariko emaitzak aurkezten ditugu. Hasieran eta kontrolaren momentuan, KIDMED elikadurari buruzko eta Krece-Plus ariketa fisikoari buruzko galdeketak egin dira. Interbentzioaren aurretik eta ondoren, GMIa eta gerri/luzera erlazioa konparatu da. Satisfazio galdeketa ere egin da.

Hasierako eta bukaeraren arteko konparazioak Mc Nemar testaren bitartez egiten dira aldagai kategorikoetan, edo T-test Student-en proben bitartez jarraituetan. Azkeneko aldagai hauek normaltasunaren eskakizunak gainditzen ez badituzte, test ez parametrikoak erabiliko ditugu. GMIaren aldaketak aurretik eta ondoren eta aldagai dikotomikoak (BAI/EZ kategoriekin) erregresio logistikoaren bitartez.

Emaitzak

72 haurrek hartu dute parte (9 kanpoan geratu dira, 6k jarraipen eskasa izan dute, aztertutako haurrak: 53). %57 mutilak eta %43 neskak ziren.

Erdiek baino gutxiagok dieta ezin hobea daukate (≥8 Kidmed test-a) hasieran, handik 3 hilabetera %28k hobekuntza lortzen du (p=0,0001). %45ek orduz kanpo jaten du, eta %47k platerkadak errepikatzen ditu. Bi jarrera hauek neurri esanguratsuan gutxitzen dira. Azkar jaten duten haurrak ere gutxitzen doaz, baina ez dago datu esanguratsurik estatistikaren ikuspuntutik.

Ariketa fisiko egokia egiten duten haur-kopurua (Kreceplus>6) –hasieratik kontrola egiten den momentura arte (p=0,0012)– handitu egiten da.

GMIa gutxitu egin da kontrolaren momentuan (0,3 jaitsi da (%95 IC:0,2- 0,5) p=0,0004). Gerri/luzera >0,5 (%21 jaitsi da (p=0,0004). %94k beste familia batzuei gomendatuko lieke interbentzio hau. Bai gurasoen eta bai haurren satisfazioa 7–10 puntu bitartean ageri da.

Ondorioak

Atariko emaitzak elkarrizketa motibazionala haurren jokaerak aldatzeko baliagarria izan daitekeela adierazten du (bai elikadurari buruzko jarrerak bai ariketa fisikoarekin zerikusia daukaten jarrerak aldatzeko). Horrekin, bide batez, GMIaren eta gerri/luzera erlazioaren beherakada lortu da. Programarekiko satisfazioa oso handia da.

Bibliografia