Sarrera

Gero eta ohikoago da enterobakterioak zefalosporineekiko erresistenteak izatea, espektro zabaleko betalaktamasak (EZBL) dituztelako: Escherichia colik eta Klebsiella pneumoniaek, batez ere.

Helburuak

- EZBLen prebalentzia jakitea, guztira 225.000 biztanle dituzten Goierri- Urola, Debabarrena eta Debagaraiako Eskualde Sanitario Integratuetan (ESIetan).

- EZBL motak ezagutzea eta beren karakterizazioa burutzea.

- EZBL anduien klonalitatea aztertzea.

Metodoak

- Anduiak 2010ko otsaila eta 2011ko iraila bitartean isolatu ziren.

- EZBLak detektatzeko eta karakterizatzeko, Zumarraga, Mendaro eta Arrasateko ospitaleetako isolatuak aztertu ziren: E.coliren lehen 20 isolatuak (erietxe bakoitzeko) eta K.pneumoniaeren lehen 6ak.

- Karakterizazioa honako tekniken bitartez egin zen: pI.a, IEFa., PCRa eta sekuentziazioa.

- Anduien klonalitatea jakiteko, berdinak diren ala ez jakiteko, hain zuzen-bakterioen DNAsa Xbal endonukleasarekin zatitu zen eta gero espektro pultsatua egin.
 

Emaitzak

- E.coliren 7.802 andui (%5,8 EZBL) eta K.pneumoniaeren 637 andui (%6,9 EZBL) isolatu ziren. K.pneumoniaeren portzentajea ezberdina izan zen Debagaraiko, Goierri-Urolako eta Debabarreneko ESIetan.

- E.coli anduien %95 eta K.pneumoniaeren %92 gernuko laginetan isolatu ziren.

- EZBLak dituzten 60 anduietan honako EZBLak egiaztatu ziren: CTX-M-15 (34), CTX-M-14 (12), SHV-12 (5), CTX-M-1 (3), eta beste lau mota, zenbait kasutan TEM edo OXA-1arekin batera.

- 6 K.pneumoniaetan detektatu ziren EZBLak honakoak ziren: SHV-5 (4), CTX-M-1 (1),  CTX-M-14  (1), EZBL  berri  batekin  –SHV-52arekin (GenBank HQ845196) -batera.

- E.colin 9 elkarte klonal antzeman ziren (CTX-M-15eko 7 klon, CTX-M- 27ko bat eta SHV-12ko beste bat). Elkarte klonal hauetako batzuk zentro soziosanitario jakin batzuetan agertu ziren. SHV-5 zuten hiru K.pneumoniaeren agerraldi topatu ziren.

Ondorioak

E.coliren %5,8k eta K.pneumoniaren %6,9k EZBLak zeuzkaten. EZBLen tasa honakoa da: 132/100.000 biztanleko eta urteko.

E.colin CTX-M-15 (%57) izan da EZBL ohikoena eta K.pneumoniaen, aldiz, SHV motakoa.

K.pneumoniaen, EZBL berri bat detektatu da, SHV-52a (GenBank HQ845196).

Ospitaleetan ez da agerraldi nosokomialik antzeman.
 

Bibliografia