2012an identifikatutako infekzioak Mendaro Ospitaleko Mikrobiologiako Laborategian, 18 urte arteko pertsonetan
Egileak:
Joxe Mari Manterola Martija
Jesus Alustiza Martinez
Juan Jose Idoeta Kiernan
Nerea Kortazar Arizaga
Maria Angeles Gonzalez Martinez
Miren Aranzazu Zubizarreta Urreta
Ana Cendoya Osa
Mendaro Ospitalea. Debabarreneko ESI
Sarrera
Debabarrena Eskualde Sanitario Integratuan (ESIn) bizi diren pertsonen infekzioak identifikatzeko laginak aztertu dira ESIko erreferentzia-zentroa den Mendaro Ospitaleko Mikrobiologiako laborategian.
Helburuak
2012an, zein infekzio gertatu diren Debabarreneko ESIn, 18 urte arteko pertsonetan, eta zein mikroorganismo izan diren eragileak jakitea.
Metodoak
Infekzioak ohikoak diren metodoen bitartez identifikatu dira Mendaro Ospitaleko Mikrobiologia laborategian. Parotiditisa eta kukutxeztula Donostia Ospitalean diagnostikatu dira.
Emaitzak
• 132 gernu-kultibo positibo izan dira, %57 lau urte baino gazteago diren umetan. Horien eragileak honakoak izan dira: 100 (%76) E.coli, 11 Enterococcus, 9 Proteus mirabilis eta 4 Staphylococcus saprophyticus, besteak beste. E.coli anduien %8 amoxizilina-klabulanikoarekiko erresistenteak izan dira.
• Eginkarietan gehien identifikatu diren mikroorganismoak honakoak izan dira: a) bakterioak: 75 Campylobacter, 68 Shigella sonnei, 16 Salmonella enterica; b) birusak: 33 Rotavirus; c) parasitoak: 15 oxiuro, 14 Cryptosporidium, 11 Giardia lamblia.
• Meningitis eragileak izan dira: 3 Enterovirus eta 1 Neisseria meningitidis.
• 4 bakteriemien eragileak izan dira: 1 N.meningitidis, 2 Streptococcus pneumoniae eta 1 Staphylococcus aureus.
• Arnas aparatuko infekzioak 4 Syncitialvirus-ek, 2 Enterovirus-ek, 4 Influenzavirus-ek, eta 3 Parainfluenzavirus-ek sortu dituzte.
• 38 konjuntibako lagin positibotan gehien isolatu diren bakterioak: 19 Haemophilus influenzae, 8 S.pneumoniae eta 6 S.aureus; 53 faringeko exudatu positibotan: 45 Streptococcus pyogenes eta 8 Streptococcus equisimilis; eta 81 otikoko exudatu positibotan: 22 H.influenzae, 13 S.pyogenes, 13 S.aureus, 8 Pseudomonas aeruginosa eta 7 S.pneumoniae.
• 31 parotiditis eta 18 kukutxeztul baieztatu dira. Parotiditis kasuak 12 eta 18 urte arteko gazteeengan gertatu dira eta kukutxeztulen 2 herenak 4 urte arteko umeengan.
• 7 ezkabia diagnostikatu dira: 1 Microsporum canis, 1 T.rubrum, 2 T.soudanense 2 afrikar anaiengan, 1 Trichophyton violaceum, 2 Trichophyton spp.
• Plasmodium malariae identifikatu da 5 urteko afrikar batengan.
Ondorioak
• E.coli agertzen da urokultibo positibo gehienetan.
• Campylobacter da beherako gehien eragiten duen bakterioa.
• 2012an parotiditis eta kukutxeztul agerraldiek jarraitu dute.
Bibliografia
Azken Berriak
Sarean dira "Osatuberri" aldizkariko irakurgai berriak
Osasun Biltzarrean izena eman nahi duzu?
