Sarrera

Dermatofitosia onddoek sortutako azaleko gaixotasuna da. Zoofilikoak batez ere animaliek dituztenak dira, eta antropofilikoak batez ere gizakiek dituzte. Halere, tarteka gerta daiteke batetik bestera pasatzea.
Aurkeztuko dugun kasuan hastapenean zaila izan zen diagnosia, holako kasuetan dagoen esperientzia eskasarengatik eta eboluzio atipikoarengatik. Azkenik, Majocchiren granuloma edo Dermatofitosi Bovinoa izan zen, inguru honetan "Legena" bezala ezaguna.

Helburuak

Landa eremuko eritasunak ezagutzearen garrantziaz ohartarazi akats diagnostikoak eta horren ondorioak ekiditeko

Metodoak

Kasu Klinikoa

Emaitzak

44 urteko gizona, txertatu gabea. Lesio gorri inflamatua zuen izterraren aurreko aldean, zorne jarioarekin. Zelulitisa susmatu eta amoxizilina-klabulaniko orala eta mupirozina topikoarekin tratatu zen.
Kontsultara itzuli zen ondoezik. Adenopatia inginala antzeman genuen. Animaliekin lan egiten zuela historian azpimarratu eta ospitalera igorri genuen. Zelulitisa diagnostikatu eta tratamendua mantendu zuten. Aste baten buruan itzuli zen hobekuntzarik gabe eta legena izan zitekeenez galdezka. Bi medikuk artatu eta tiña corporis bovina izan zitekeelakoan bifonazol kremarekin hasi eta 72h tan hitzordua egin genuen.
Hitzorduaren aurretik heldu zen sukarrarekin. Antrax zelakoan isolatuta ingresatu zuten E.Coli kultiboan ikusita.
Antibiotikoen eraginez, enteritisa garatu zuen Clostridium Difficilengatik. Azkenik, dermatologoek artatu eta tiña corporis inflamatorioa zela konfirmatu eta ahozko terbinafinarekin (250mg egunean) tratatzen hasi eta alta eman zioten.

Hurrengo egunetan hobera egin zuen eta 40 egunen buruan azaleko lesioa sendatu zen.

Ondorioak

Kasua ekarri nahi izan dugu hiriguneetan ikusten ez diren gaixotasunak ikusarazteko. Honen ondorioak izan daitezke akatsak eta tratamendua atzeratzea.

Dermatofitosia:
Dermatofitosia ostalaritik ostalarira kontaktu zuzenarengatik gehienetan, ilea edo azaleko eskamen bidez. Inkubazio aldia aste bat edo bikoa izan daiteke.

Sintoma nagusiak haznahia eta azaleko lesio deskamatiboak dira. Normalki inflamazioa bortitzagoa da ertzetan. Diagnostikoa Wooden lanpararekin egiten da. Mikroskopioan KOHri esker hifak eta konidiak detekta daitezke.

Tratamendua antimikotiko sistemikoekin egiten da.

Majocchiren granuloma dermatofitoek eragiten dutena mikosia da, granuloma moduko inflamazioa eragiten duena.

Garrantzitsua da horrelako lesioak ezagutzea erraz sendatu daitezkeen lesioek horrelako eboluzioa izan ez dezaten.

.

Bibliografia

Arazoak ditugu lesioaren argazkiak igotzeko. ¿Posible da hala ere posterrean sartzea?