Osasungoa Euskalduntzeko Erakundea

Osasungoa Euskalduntzeko Erakundea

+34 944 001 133

oee@oeegunea.eus

Komunikazio-inkomunikazioa Azpeitiko Erizain eta Medikuen artean

Egileak:

Arrate Ugarte Plazaola

Leire Arabaolaza Lizarralde

Mikel Galparsoro Goikoetxea

Maria Gerriko Murgiondo

Ane Illarramendi Arzalluz

Azpeitiko Osasun Zentroa


Sarrera

Egunerokotasuneko lanean, beti antzeman izan ditugu hutsuneak erizain eta medikuen arteko komunikazioan. OEE-k proposaturiko aurtengo gaiari jarraituz, gure zentroko egoeraren azterketa egitea erabaki dugu.

Helburuak

Mediku eta erizainen arteko komunikazioaren onurak aztertzea eta era berean, komunikazioa oztopatzen duten arrazoiak ezagutu, eta hobekuntzak proposatzea izan da lanaren helburua.

Metodoak

Azpeitiko Osasun Zentroko mediku eta erizain guztiei mezu elektroniko bidez egin zaie galdeketa. Erantzunak era anonimoan aztertze aldera LMUBa arduratu da galdeketaren erantzunak jaso eta zerrendatzeaz.
Komunikazio harremanean ondo jorratzen diren 3 adibide eta hobetu daitezkeen beste hainbeste zerrendatzeko eskatzen zitzaion bakoitzari. Jasotako erantzunetatik aipatuenak islatuko ditugu, eta hobetu daitezkeenetatik proposamenak egin.
Langileen erantzun maila oso altua izan da, 20 langileetatik 19k erantzun dute.

Emaitzak

Erizainek medikuekiko
Alde onak:
- Harreman ona orokorrean.
- Disponibilitate ona.
- Euskarazko komunikazioa gehienekin.
Hobetzeko arloak:
- Mediku eta erizainen kontsultak fisikoki ondoan izatea.
- UBA bilera presentziala egin.
- Kontsulta bat egitean molestatzen ari denaren sentsazioa.
- Mediku batzuk ezinbestekoa denean bakarrik erlazionatzen dira.
Medikuek erizainekiko
Alde onak:
- Harreman ona orokorrean.
- Disponibilitate ona.
Hobetzeko arloak:
- UBA bilera presentziala egin.
- Kordialitatea.
- Elkarrekin etxeko bisita gehiago egitea.
- Bi estamentuen arteko urruntasuna.

Ondorioak

LMUBak bilera egingo du profesional talde bakoitzarekin beste taldearen erantzunak ezagutzera emateko. Ondoren, bilera orokor bat egingo da langile guztiak batuz. Bertan, proposamen guztiak landuko dira, eta hobetu daitezkeen arloei irtenbide bat aurkitzen saiatuko gara.
Denbora falta dela eta proiektuko lehen atala egin dugu, hau da, langileek inkestak bete dituzte, erantzunak jaso eta zerrendatu egin dira.
Proiektuaren bigarren atala jorratzear dago.

Bibliografia

Azken Berriak

Osasunaldia datorren apirilaren 10ean, osteguna
Ostegunean, apirilaren 10ean, Osasunaldiaren 4. edizioa egingo da hiru lekuetan aldi berean: Leioan, Donostian eta Gasteizen. Hiru lekuak konektatuta egongo dira eta dena jarraitu ahal izango da bakoitzetik. Horrez gain, beste lekuetatik ere ikusi ahal ...
Solasaldia Elgoibarren apirilaren 1ean: Osakidetza eta euskara
"Elgoibarko Udalak eta Elgoibarko Izarra elkarteak ´Euskararen Osasuna Osakidetzan´ izeneko solasaldia antolatu dute Osakidetzaren, Gipuzkoako Foru Aldundiaren eta Eusko Jaurlaritzaren babesarekin.   Ekitaldia apirilaren 1ean, ...

Berri +

Ugarteburu sariak
Egin bazkide
Gizarte-sareak
facebook twitter
Laguntzaileak
Eusko Jaurlaritza
Bai Euskarari

©OEE

Diseinua: Di-Da Garapena: Bitarlan