Sarrera

Intubazio zail baten aurrean beste aukera batzuk egon litezke , adibidez , blokeo periferikoa: Blokeo periferikoak nerbioak lokartzen ditu, behin bizkar-muinetik atera ondoren. Nerbio bakarra edo talde bat (plexua) lokar daiteke.Teknika hauek egin ahal izateko anatomiako ezagutzak behar dira; izan ere, ebakuntzako minaren kokapen anatomikoa zehaztu, eta nerbioa bera ere aurkitu behar da..Blokeo periferikoak erabiltzean ondorio kaltegarriak murriztuko ditugu. Hala ere, badituzte zenbait eragin kaltegarri: nerbio-narritadura, anestesiko lokalen eragin toxikoak eta blokeo bakoitzari dagozkionak (pneumotoraxa, hematoma, blokeo zentrala, etab.).Gure kasu honetan beldurrik gehien pneumotoraxak ematen zigun gainera intubaziorako zaila zelako eta gizentasunagatik drainatze pleural zailekoa zirudielako. Askotan, nerbioa aurkitzeko, neuroestimulagailua erabiltzen den arren ez zen gure kasua izan.

Helburuak

Egoera zail baten aurrean aukera bat baino gehiago edukitzea, kasu honetan bezala : lehendabizi blokeo periferiko bat egiten ahalegindu ginen horrela intubazio zail bat saihesteko , bestela , intubazioa fibrobronkoskopioarekin egin beharko genuen.

Metodoak

- Kontsultan Bularreko minbizi lokala zuen 77 urteko emakume bat agertu zitzaigun, honako aurrekariekin: Gizena , tentsio altua eta batez ere behazun-maskuriko ebakuntza batean intubazio zail baten aurrekaria zuen (mallampati III eta aho txikia zituen). - Blokeoa egiteko T5 ornoa topatu eta gero eskuinaldera 2,5-3 zentimetrotara sartu ginen apofisi transbersoarekin topo egin arte gero goitik saihestu eta zentimetro bat barrurago anestesiko lokala jarri genuen ( mepibakaina % 1,5ean 15ml) horrela T4,T5 eta T6 lokartu genituen minbizigunea lokartuz., beraz , ebakuntza anestesia orokor barik egin zen , horrela intubazioa saihestuz.

Emaitzak

Ondorioak

Kasu honetako ondorio garrantzitsuena orno ondoko blokeoekin bularreko ebakuntzak egoki egin daitezkeela da , horrela anestesia orokorraz gain beste aukera on bat bezala gogoan eduki dezagun.

Bibliografia