Berriak
Ugarteburu sarian parte hartzaileen kopurua bikoiztu da
2011-10-11
Irailaren 17an, Software Askearen Egunarekin bat etorriz, II. Iñaki Ugarteburu Sariak banatu dira, euskarazko Wikipediara egindako ekarpen onenak sarituz. Ekitaldian Azkue Fundazioaren eta OEEren ordezkariak izan ziren.
Sari hauek Iñaki Ugarteburu EHUko medikuntza irakaslearen omenez antolatzen dira eta 5 arlo ezberdineko ikasleei zuzendu zaizkie: Natur Zientziak, Osasun Zientziak, Gizarte Zientziak, Giza Zientziak eta Teknika eta Teknologia. Honela, arlo ezberdin hauetako ikasleei haien lan eta artikuluak Euskarazko Wikipedian sartzeko gonbidapena egin zitzaien, ondoren, irizpide ezberdinak kontuan hartuz, kategoria bakoitzean lan bi saritzeko asmoz, lanik hoberenei Iphone4 bana eta bigarren suertatu direnei Ipad2 bana emanez.
Balorazio batzordeak aurkeztutako lanen kalitate eta originaltasuna nabarmendu du. Gainera, Azkue Fundazioaren lehendakaria den Josune Ariztondok euskarazko Wikipediaren edukiak azpimarratu ditu, izan ere, gaur egun 104.000 artikulu ditu eta urtebetean artikuluen sarrera kopurua bikoiztu egin da.
Utzi zure iruzkina
Azken Berriak
XVII. Pediatria Topaketak: matrikula egin eta komunikazioak bidaltzeko epea zabalik
Apirilaren 3an XVII. Pediatria Topaketak izango dira Eibarren. Adituen hitzaldi batzuk egongo dira, interesezko gaien inguruan. Gero, elkarrekin aisialdi-tarte bat izan ostean, bertaratutako pediatra eta erizainek beraien lan eta ikerketak aurkezteko au...
Osasungintza euskalduntzearen aldeko atxikimendu-bilketa abiatu dute
"Euskal Herri osasuntsu eta berdinzaleago baten osaketarako ezinbesteko tresna da osasungintza publikoa, duina eta kalitatezkoa. Eta kalitatezkoa izango bada, euskalduna izan beharko da", diote EHE-Euskal Herrian Euskarazek eta Aintzat osasung...
