Berriak
Bertso-saio klinikoak berriz ere arrakastatsuak izan dira
2012-03-19
Martxoaren 9an, 48 pertsonek parte hartu zuten Hernaniko Goiko Lastola Sagardotegian antolatu diren Bertso Saio Klinikoetan. Ordu bete inguruko iraupenaren ondoren afaria egin zuten. Parte-hartzaileek taldeka jardun zuten, eta bertsolariek emandako arrasto edo datuekin zein hitzi buruz ari ziren asmatu behar izan zuten, gaixotasun bat askotan, baina bestelako hitz bat ere izan zitekeen. Horrela, bertso gai nagusiak, hotzeria, hazizurria, autopsia, ezkabia eta pip protesia izan ziren.
Borja Aginagalde, Nahikari Gabilondo, Karlos Ibarguren eta Felix Zubia aritu ziren bertsotan eta lehiaketaren irabazleak honakoak izan ziren: Marta Barandiaran, Hernaniko Osasun Zentroko medikua, Beñat Zubeltzu, Donostia Unibertsitate Ospitaleko BAMEa eta Migel Legarra, Medikuntzako 4. mailako ikaslea. Finalera, ordea, beste hauek ere helduz ziren: Ruth Salaberria, Donostia Unibertsitate Ospitaleko BAMEa, Miren Zubillaga, Medikuntzako 5. mailako ikaslea eta Garazi Esturo, Medikuntzako 4. mailako ikaslea izan ziren.
Irabazle eta finalistek OEEk antolatzen duen kongresurako inskripzioa irabazi zuten. Hala ere, aurrekoaz gain, irabazleek fonendoskopioa, esfigomanometroa eta Elhuyarren “Sendabidea ala iruzurbidea. Medikuntza alternatiboa proban” liburu bana ere irabazi zuten.
Utzi zure iruzkina
Azken Berriak
Osasunaldia datorren apirilaren 10ean, osteguna
Ostegunean, apirilaren 10ean, Osasunaldiaren 4. edizioa egingo da hiru lekuetan aldi berean: Leioan, Donostian eta Gasteizen. Hiru lekuak konektatuta egongo dira eta dena jarraitu ahal izango da bakoitzetik. Horrez gain, beste lekuetatik ere ikusi ahal ...
Solasaldia Elgoibarren apirilaren 1ean: Osakidetza eta euskara
"Elgoibarko Udalak eta Elgoibarko Izarra elkarteak ´Euskararen Osasuna Osakidetzan´ izeneko solasaldia antolatu dute Osakidetzaren, Gipuzkoako Foru Aldundiaren eta Eusko Jaurlaritzaren babesarekin.
Ekitaldia apirilaren 1ean, ...
