Berriak
Bilbon egingo diren OEEren Biltzarrean izena emateko epea zabalik
2012-05-04
Dena prest dago datorren maiatzaren 18 eta 19an, Bilbon, OEEren 22. Osasun Biltzarra egiteko. Osasun-langileon erronka berriak izango da aurtengo gaia eta bertan entzungo ditugun hitzaldiak hiru mahai inguru hauetan kokatu dira: Bizitzaren medikalizazioa, Osasun-langileak gaixotzen direnean eta Osasun-langileak eta teknologia berriak.
Tailer eta hitzaldi interesgarri bi ere izango dira: osasun-administrazioen euskalduntzea eta espondilitisa duen paziente baten bizipenak.
Izena emateko www.oeegunea.org webgune berrian egiteko aukera dago maiatzaren 15 baino lehen. Ordainketa ere, nahi izanez gero, zuzenean egin daiteke bertan.
Gogoratu bazkideok, webgunean sartu ahal izateko edo biltzarrean izena emateko, aste honetan erabiltzaile (posta elektronikoa) eta pasahitza jaso ditugula. Beraz, bazkidea bazara eta biltzarrean izena eman nahi baduzu, ez dituzu zure datu pertsonalak sartu behar, erabiltzailearekin sartu eta kitto. Bazkidea ez bazara, datu guztiak sartu behar dituzu.
Utzi zure iruzkina
Azken Berriak
XVII. Pediatria Topaketak: matrikula egin eta komunikazioak bidaltzeko epea zabalik
Apirilaren 3an XVII. Pediatria Topaketak izango dira Eibarren. Adituen hitzaldi batzuk egongo dira, interesezko gaien inguruan. Gero, elkarrekin aisialdi-tarte bat izan ostean, bertaratutako pediatra eta erizainek beraien lan eta ikerketak aurkezteko au...
Osasungintza euskalduntzearen aldeko atxikimendu-bilketa abiatu dute
"Euskal Herri osasuntsu eta berdinzaleago baten osaketarako ezinbesteko tresna da osasungintza publikoa, duina eta kalitatezkoa. Eta kalitatezkoa izango bada, euskalduna izan beharko da", diote EHE-Euskal Herrian Euskarazek eta Aintzat osasung...
