Dagoneneko, datorren urteko Osasun Biltzarraren prestaketa-lanak hasi dira. Batzorde Antolatzailea eta Zientifikoa osatu dira eta 3-4 batzar egin dituzte egitaraua eta bestelako alderdiak zehazteko.

Biltzarra Donostian ospatuko da 2014ko apirilaren 4ean eta 5ean. Osasun Hezkuntza izango da hurrengo hitzorduaren gaia eta, bertan, ondorengo lau bloke nagusiak izango ditugu hezkuntzaren inguruan:

- Aztura osasungarriak
- Gaixotasun kronikoak
- Heriotza
- Osasun arloko langileen hezkuntza

Berrikuntza gisa, Heriotzaren gaian dokumental bat ikusteko aukera izango dugu.

Urrian behin behineko egitaraua prest egongo da eta komunikazioak aurkezteko epea zabalduko da.