Kontseiluak jakinarazi digunez, 2016ko abenduan Donostian hizkuntza komunitateen normalizazioan Europan diharduten gizarte eragileen laguntzarekin Hizkuntza Eskubideak Bermatzeko Protokoloa jorratuko da. Prozesu partehartzailea izango da, eta  hizkuntzen garapenerako tresna eragingarria sortzea da helburua.

Protokoloa guztion artean osatuta egongo den heinean, euskalgintzaren eta azken batean denon ekarpenak ere nahitaezkoak izango dira. Kontuan hartu behar da Protokoloaren balio nagusia horixe dela, hain zuzen ere, gizarte eragileek osatutako dokumentua izatea. Duela 20 urte Bartzelonan aurkeztu zen Hizkuntz Eskubideen Deklarazio Unibertsala osatzeko gogoarekin, eta zalantzarik barik, hurrengo urteetako mugarria jarriko da, hain zuzen ere, gizarte eragileon mugarria.

Jakina da orain arte proiektu honi lotutako informazio nagusienak kutsu ezkorra izan duela: gatazka, liskarra... Halere, hemendik aurrera ilusioa eta perspektibak izango dira proiektu honen ezaugarriak, eta horrexegatik zeuok ere partaide aktibo izan behar duzue.

Otsailean bi aurkezpen egin dira eta Martxoan beste hiru egingo  dira.

Mezu honi atxikita doazkizue proiektuaren aurkezpenerako gonbidapenak. Biziki eskertuko genizueke, batetik, aurkezpen horietara bertaratzea, eta bestetik, zuon bazkideen, elkarteen artean gonbidapenak zabaltzea. Arestian esan bezala, Europa mailan eta hizkuntzen eremuan inoiz egin ez den prozesu partehartzaileena egin nahi dugu, eta beraz, Euskal Herriko eragileok ere badugu zer esana.

Aurkezpenak:

Otsailak 24. asteazkena, Baiona, Euskal Museoa, 18.00etan
Otsailak 25, osteguna,  Donostia, DS20015 Gunea, 19.00etan
Martxoak 1, asteartea, Gasteiz, Oihaneder euskararen etxea, 19.00etan
Martxoak 2, asteazkena,  Bilbo, Kafe Antzokia, 19.00etan
Martxoak 4, ostirala, Iruñea, Katakrak, 19.00etan
 

afitxa_aurkezpen.pdf