Lehen Mailako Arretako mediku-talde batek lan-taldea osatu du idatzizko material erabilgarriak osatzeko. Gidaliburua sortu nahi dute eguneroko praktikatik abiatuta. Hauxe duzue zabaldutako mezua. Animatu parte hartzera!!!

Kaixo lagun,
Lehen Mailako Arretako mediku taldea gara, eta euskarazko gidaliburu bat egitekotan gabiltza. Ikusi dugu gure egunerokoan orokorrean ez dugula medikuntza euskaraz idazten (txostenak, eboluzioak...) . Eta uste dugu, Lehen Mailako Arretara bideraturik dagoen medikuntzako euskarazko testuliburua badugu, erraztu egingo zaigula praktika.

Beraz, lanean jartzea erabaki dugu. Interesa duten eta animatzen diren medikuen artean gidaliburua egingo dugu. Arlo ezberdinetako gaiak euskaraz idatziko ditugu, eta bateratu.

Interesa baduzu parte hartzera animatzen zaitugu. Hasiera batean lan handia ematen badu ere, bakoitzak gai bat euskaraz idazten badu, ez da horren nekeza izango. Eta emaitza abagune ederra izango da ahozko euskaratik idatzizkora jauzi egiteko, pixkanaka-pixkanaka.

Gustatuko litzaiguke deialdia zure inguruan zabaldu eta prest baldin bazaude gurekin kontaktuan jartzea, ondoko helbide elektronikora idatziz: lmaeuskaraz@gmail.com
(PREST NAGO jarrita nahikoa da, jarriko gara zurekin harremanetan)

Mila esker eta hurren arte,
Lehen Mailako Arreta Euskaraz lantaldea