IXA taldeak eta Itzulbideren Osakidetzako arduradunek ekimena azaltzeko eta proiektuaren egokitasuna zein izan daitekeen adierazteko testua argitaratu dute. Bertan diotenez, Itzulbide ez da euskararen normalizaziorako oztopo izateko jaio, eta ez du normalizazioa baldintzatuko, kontrakoa baizik: baliabide izan nahi du. Gainera, izaeran eta praktikan ikerketa-proiektua da, beraz, oraindik ikusteko dago ea helburuak beteko dituen. Oraindik erabakitzeke dago ea Osakidetzan txertatuko den, baliagarria den frogatzen baldin bada soilik erabakiko da txertatzea.

Baliagarria dela frogatzen bada, Osakidetzaren informazio-sisteman txertatuko da tresna, baina, horretaz gain, tresna honen garapena osasun arloko komunitate osora heda liteke (enpresa publiko eta pribatuetako profesionalak, farmazialariak, unibertsitateko eta unibertsitatez kanpoko osasun arloko ikasle eta irakasleak, egoiliarrak, elkarte profesionalak) eta euskararen esparru geografiko osora. Euskara ikasten ari diren profesionalentzat ere tresna lagungarria izan daiteke. Laburtuz, Itzulbideren balizko erabilera historia klinikotik haratago joan liteke.

[Jarraitzen du...]