Euskalgintzaren Kontseiluak sustatutako ekimena aurrera doa. Euskararen erabilera erosoa du helburu, eta, horretarako, hizkuntza politikak modu eraginkorrean nola molda daitezkeen zehazteko prozesu parte-hartzailea abiarazi zuen. Ekainaren 19an izango da lehen mugarria, eta gainerako eragileei gonbita egingo zaie berriro dokumentuarekin bat egin dezaten.

Berriki egin duten Ohiko Batzar Nagusian dokumentuaren lanketan aurrerapausuak egin dituztela jakin dugu: dokumentuaren azken bertsioa onartu da. OEEko bazkideoi gonbita egin zitzaigun urte hasieran dokumentu hori emaitza izan duen prozesu horretan parte hartzeko, hainbat online saiotan antolatutako mintegien bitartez.

Paul Bilbaoren hitzetan: "lan interesgarria izan da, eta oro har, eragileek, bazkideek zein kanpokoek begi onez hartu dute hizkuntza-politikek etorkizunean jarraitu beharko luketen norabidetzeak bi ardatz izatea; batetik ezagutzaren unibertsalizazioa, eta bestetik euskararen erabilera erosorako espazioak bermatzea".

Horrekin batera, Kontseiluak jasotako ekarpenetan ere azpimarra egin nahi izan du: «Eragileek hamarnaka ekarpen egin dizkiote dokumentuari, eta horren ondorioz, hasieran aurkeztu genuen proposamenak adotasunerako baliagarriak izango diren hainbat elementu berri jasotzen ditu» [Jarraitzen du...].

2021erako helburuak ere zehaztu egin zituzten, Kontseiluko webgunean dago informazio guztia.