Olatz Aramendi emaginari egin dio elkarrizketa ARGIA aldizkariak. Bertan, beste hainbat konturen artean, Iparraldeko osasungintzaren euskalduntzeaz mintzatu dira, Baionakoaz konkretuki. Orokorrean iparraldeko hiru euskal probintzien euskara-erabilera kezkatzekoa da, arrazoi sozialegatik zein politikoengatik. Hala ere, badirudi osasungintzan nolabaiteko oasia aurkitu duela euskarak, eta Baionako ospitalea adibide garbia da Aramendiren hitzetan, "Hala da bai, asko gara, geroz eta gehiago". Izan ere, lankideez gain, hura emagina den aldetik, erditzera doazen hainbat emakumerekin ere mintzo da euskaraz:

"Emazte euskaldunak erditzera heldu direnean eta izen euskalduna dudala ikusten dutenean, begirada berezi batez so egiten didate. Eta orduan ni neu hasten naiz euskaraz mintzatzen. Hor, zerbait berezia sortzen da. Intimitate gehiago lortzen dela esango nuke."

Halaber, hainbat saiakeraren ondoren, duela ia urtebete sortu zen Osasungintza Euskalduntzeko Erakundea (OEE) Iparraldean, eta horrek ere emango dio beharrezko hauspotzea hizkuntzari osasungintza arloan.