Osasungoa Euskalduntzeko Erakundea

Osasungoa Euskalduntzeko Erakundea

+34 944 001 133

oee@oeegunea.eus

Berriak

Begi aurrean ezkutatutako pandemia

2023-01-04

Nafarroako Unibertsitate Publikoko -hemendik aurrera NUP- ikerketa-taldeak gizartean nabarmen zabaldu den arazoa aditzera eman eta konponbidea aurkitzeko beharra mahaigaineratu du. Azken urteetan, nahi baino maizago entzun dugu "pandemia" hitza, baina, egia esan, oraingo honetan termino horri lotutako gaixotasuna oso bestelakoa da: obesitatea.

“Gehiegizko pisua eta obesitatea duten haurrek gantz gehiegi pilatzen dute organo eta ehunetan, eta horrek, beste patologia batzuen artean, gaixotasun kardiobaskularrak eta 2. motako diabetes mellitusa garatzeko arriskua areagotzen du”, esan dute NUPeko ikertzailek. Eta gainera, honakoa azpimarratu dute: “Kalkuluen arabera, erraietan gantza metatzeak % 36 eta % 86 bitarte handitzen du edozein arrazoia dela kausa hiltzeko arriskua."

Granadako Unibertsitatearekin lankidetzan aritu ostean lortutako emaitzek, bizitza osasungarria sustatzeko 22 asteko programa bat osatzera bultzatu dituzte. Xedea, orokorrean, ariketa fisikoa eta elikadura orekatua bateratzea da eta hori lortzeko diziplina anitzeko talde bat ari da buru-belarri: ariketa fisikoaren alorreko adituak, fisiologo eta nutrizionistak, erradiologoak eta ingeniari biomedikoak. Ikerketaren garrantzia eta sona nazioartera heldu da: "JAMA Network Open" aldizkari zientifikoan argitaratu dute.

Utzi zure iruzkina

Azken Berriak

Osasunaldia datorren apirilaren 10ean, osteguna
Ostegunean, apirilaren 10ean, Osasunaldiaren 4. edizioa egingo da hiru lekuetan aldi berean: Leioan, Donostian eta Gasteizen. Hiru lekuak konektatuta egongo dira eta dena jarraitu ahal izango da bakoitzetik. Horrez gain, beste lekuetatik ere ikusi ahal ...
Solasaldia Elgoibarren apirilaren 1ean: Osakidetza eta euskara
"Elgoibarko Udalak eta Elgoibarko Izarra elkarteak ´Euskararen Osasuna Osakidetzan´ izeneko solasaldia antolatu dute Osakidetzaren, Gipuzkoako Foru Aldundiaren eta Eusko Jaurlaritzaren babesarekin.   Ekitaldia apirilaren 1ean, ...

Berri +

Ugarteburu sariak
Egin bazkide
Gizarte-sareak
facebook twitter
Laguntzaileak
Eusko Jaurlaritza
Bai Euskarari

©OEE

Diseinua: Di-Da Garapena: Bitarlan