Osagaiz aldizkariak apirilaren 10ean egingo du Osasunaldiaren 4. edizioa, UEUrekin eta UPV-EHUko Euskararen Errektoreordetzarekin zein Medikuntza eta Erizaintza, Farmazia eta Psikologia Fakultateekin elkarlanean. Jardunaldi honetara aurkeztu ahal izango dira azken bi-hiru ikasturteetan osasun-zientzietako ikasketen bukaeran aurkeztu diren gradu-amaierako lanak: medikuntza, erizaintza, farmazia, odontologia, fisioterapia eta psikologia. Hain zuzen ere, apirilaren 1era arte egongo da lan horiek aurkezteko aukera, emandako jarraibideak betez.

Horretaz gain, Osasunaldian entzule gisa parte hartzeko aukera egongo da, ondoko helbide elektronikora idatzita: oee@oeegunea.eus

Jardunaldia aurrez aurre hiriburuetan eta online egingo da.