Nafarroako OEEren partaideen eta gurekin batera jardun duten beste lagun guztien aldetik ongietorria luzatu nahi dizuegu handik etahemendik etorritako euskaldun eta osasunzale guztiei.

Urteak aurrera joan eta bidean jasotako esperientziaz gero eta arinagoa suertatzen zaigu Jardunaldien antolaketa. Azken urte honetanegindako lanen ondorioak bizi behar ditugu, hemen, Irunlarrearen eta Barañaingo gari- soroaren artean kokaturik dagoen egoitza honetan. Jasobeza gure esker ona Nafarroako Unibertsitate Publikoak jardunaldien antolaketan emandako laguntzagatik eta batik bat bere lokalak erabiltzeko aukera eman digulako.

Aurten Adimen Osasuna dugu gai ardatza. Erabaki hori hartzerakoan nahiko argudio jarri ziren mahai gainean, hala nola, gaixoenkopuru nabarmena, osasun mentaleko zerbitzuen garapena azken 20 urte hauetan, gaixo larrien zaintzarako behar adina baliabide ba otedugun kezka, prebentziorako nondik norako bideak urratu ahalak eta azken batez biologiaren bidetik urruntzen den eritasunen inguruan eztabaidasortzeko grina. Oztopoak gainditzen leloaren bidez, gizartearen baitan diren beharrak eta horiei aurre egiteko nahiaren eta ezinaren arteko lehiaazaldu nahi izan dugu.

Osasun gaietan ardura duten erakundeak, hau da, gobernuak, Munduko Osasun Erakundeak, unibertsitateak, denak, adimen osasunekoarazoek gizarteari ekartzen dizkion zamak azpimarkatzen dute. Osasun arazoen artean lehentasun handiko lekua dute arazo hauek gizarte garatuguztietan.

Programa egiterakoan mugak ezarri behar izan dizkiogu gaiari, noski. Asteko, egoeraren analisi orokorra izanen dugu. Ondoren,eriaren inguruko komunikazio zailtasun eta ezaugarriak izanen ditugu aztergai. Arratsaldez eta adimen alorreko gaixotasun larriei loturik,diagnostiko, tratamendu eta jarraipenaren alde nagusiak plazaratuko dira. Larunbat goizean, gaurkotasun handiko 3 gai zehatz aurkeztuko diraeta bukatzeko adimenaren eta hitzaren arteko burutazioak eskainiko dizkigu Maria Asunek, bietan ongi jantzita baitago.

Baina eskaintza zabalagoa da, zeren eta Jardunaldien egoitzan bertan bi tailer eginen dira mahainguruak egiten diren bitartean.Horietan, parte- hartzaileek gai edo egoera jakinetan dituzten trebetasunak bultzatu nahi dira. Eta horrez gainera, hirugarren tailer bat antolatu dugu,hau Iruñeko Txantrea auzoko Osasun Etxean eginen dena, herritarrentzakoa; 5 orduko tailerra, estresari aurre egiteko teknikak ikasteko, auzokoBiltoki elkartearen laguntzaz.

Desio dugu zuen egonaldia emankorra izan dadin, lan zientifikoek eta eztabaidak lagundu dezaten hobeki bideratzen adimen osasunekoarazoak eta bestetik jendearekin izandako harremanak on egin diezagun.