Egitaraua

09:00               Dokumentazio-banaketa.

09:15              Ongietorria eta biltzarraren aurkezpena.

09:45-11:30    Mahai-ingurua: Osasuna jarduera fisikoaren bidez lantzeko programak.

                            Moderatzailea: Antxon Apiñaniz Fernandez de Larrinoa.

- Jarduera fisikoa eta osasuna; onurak arriskuen gainetik. Osasun Publikoaren ikuspuntua. Larraitz Arriola Larrarte, Eusko Jaurlaritzako Osasun Saileko epidemiologia teknikaria.

- Mugiment, gizarte aktiboagoa sortzeko proiektua. Aitziber Benito Perez de Mendiola, Eusko Jaurlaritzako Osasun Sustapeneko teknikaria.

- Kirol-errezeta. Javier Marco Juana, Algortako Osasun Zentroko familia-medikua.

11:30-12:00    Atsedenaldia.

12:00-13:45    Mahai-ingurua: Jarduera fisikoa talde berezietan.

           Moderatzailea: Sara Maldonado Martin.  

- Bihotzekoa izan dutenentzako jarduera fisikoa. Jesus Mª San Vicente Estomba, Donostia Unibertsitate Ospitaleko kardiologoa.

- Indarra nola landu. Jakobo Vazquez Altuna, Hegalak Kirol Zentroko kirol-medikua.

- Ariketa fisikoaren preskripzioa gaixotasun kronikoetan. Jose Aramendi Aramendi, Osasunkiroleko kirol-medikua.

14:00-16:00    Bazkaria.

16:00-17:00    Hitzaldia: Jarduera fisikoa osasuna berreskuratzeko: Teoria hutsa ala tresna terapeutikoa. Iñaki Arratibel Imaz,                                       EHUko Jarduera Fisiko eta Kirolaren Zientzietako Fakultateko (IVEF) irakaslea eta kirol-medikua.

17:00-17:30    Posterren azalpena / Atsedenaldia

17:30-19:30    Ahozko komunikazioak. Moderatzailea: Joxerra Furundarena Salsamendi.

17:30-19:00    Tailerrak:

- Indarra nola landu. Iker Erkizia Escolano, Hegalak Kirol Zentroko kirol-prestatzailea

- Mugikortasuna nola landu.  Aloña Martinez Ariztondo, Hegalak Kirol Zentroko entrenatzaile pertsonala.

09:00-10:45  Mahai-ingurua. Osasun eta kirol-profesionalok zer egin dezakegu?

                        Moderatzailea: Itziar Lasa Beitia

- Kirol azterketa mendikoa. Eta ariketa fisikoan? Eztabaida guran! Alberto Garai Ibabe kirol medkua, Athlon Zentro Medikoa

- Elikadura eta hidratazioa: ariketa fisikoa egin aurretik eta ondoren zer egin.  Ihintza Larrañaga Unanue, Gurutzetako Unibertsitate Ospitaleko endokrinologia eta nutrizioko mediku egoiliarra.

- Ohiko lesioen prebentzioa. Maialen Araolaza Arrieta, Espainiako eskubaloi-selekzioko fisioterapeuta eta Universitat Internacional de Catalunyako (UIC) irakaslea.

11:00-11:15    Agote Sarien banaketa

11:15-11:45    Atsedenaldia.

11:45-13:30    Mahai-ingurua: Errendimenduko kirola eta osasuna: harreman gazi-gozoa. Moderatzailea: Asier Bikandi Elorriaga

-  Modernitate osteko jarduera fisikoaren eta kirolaren kritika. Joseba Urkola Aresti,  Kiroleneko eta Deustoko Unibertsitateko irakaslea.

- Genero-perspektiba errendimenduko kirolean.  Libana Taboada Moran, Zumaia Arraun Elkarteko arraunlaria eta arraun-irakaslea.

- Gure haurren kirola, osasun-iturri?  Luis Mari Zulaika Isasti, EHUko Jarduera Fisiko eta Kirolaren Zientzietako Fakultateko (IVEF) irakaslea.

11:45-13:30    Tailerrak

- Kirola egiteko elikadura eta hidratazioa. Aritz Urdanpileta Otegi, ElikaEsport-eko Aholkulari Zientifikoa eta Deustuko Unibertsitateko irakaslea.

- Adinaren eragina jokalari gazteen kirol-ibilbidean eta osasunean. Jon Torres Unda eta Haritz Arrieta Etxeberria, EHUko irakasle eta ikerleak.

13:30-14:00    Biltzarraren amaiera Irati Anda Villanueva, bertsolari eta eskalatzailearen eskutik.

Aurkezpen gutuna

Gasteizen 2015ean egingo dugun Osasun Biltzarrean, kirola eta osasuna uztartuko ditugu. Egunez egun, jarduera fisikoari eta kirolari gero eta garrantzi gehiago ematen ari zaio bizitza osasuntsua izateko eta, horregatik, biltzar honetan bi arlo hauek ikuspuntu askotatik landuko ditugu. Batetik, osasunean jarduera fisikoa txertatzeko programak ikusiko ditugu. Bestetik, kolektibo berezientzako dauden jarduera fisiko egokituak. Ondoren profesionaloi gai hauen inguruan sortzen zaizkigun zalantzak zeintzuk diren aztertuko ditugu eta, azkenik, errendimenduko kirolean osasunak duen garrantzia izango da hizpide.

Osasuna eta kirolari buruzko biltzarra apirilaren 17-18an egingo da eta bertan egongo diren bloke nagusietan arlo bana landuko da:

Lehenengo blokean Osasuna jarduera fisikoaren bidez lantzeko programak ezagutuko ditugu hiru hitzaldiren bidez: jarduera fisikoaren arrisku eta onurak, Mugiment-gizarte aktiboagoa sortzeko proiektua eta, azkenik, kirol-errezeta.

Bigarren blokea talde bereziei ematen zaien jarduera fisikoan zentratuko da eta horren barruan bihotzekoa izan dutenentzako jarduera fisikoa, indarra lantzeko teknikak eta mugikortasun artikularra landuko dira, besteak beste.

Hirugarren blokea osasun eta kirol profesionaloi sortzen zaizkigun ohiko zalantzei buruzkoa izango da eta, horren barruan, kirola egiteko aurretiko azterketa medikoa, elikadura ariketa fisikoa egin aurretik eta ostean eta ohiko lesioen prebentzioa ikusiko ditugu.

Laugarren blokea errendimenduko kirolari eta osasunari zuzenduta egongo da eta hor ez da faltako modernitate osteko jarduera fisikoari eta kirolari egindako kritika. Horrez gain, batetik, gure haurren kirola noraino den osasun-iturri aztertuko da, eta, bestetik, genero perspektiba landuko da errendimenduko kirolean. 

Lau tailer interesgarri ere antolatu dira, parte hartzaileei hainbat kontu praktikan jartzeko aukera emateko.

Eta garrantzitsuenak zeuon poster eta ahozko komunikazioekin biltzarrean parte hartuko duzuenok zarete. Bereziki, biltzar honetan, kirol-arloko teknikariei zein haien eguneroko lanean kirola kontuan hartzen duten osasun-profesionalei gonbitea egin nahi dizuegu zeuon proiektu eta esperientziekin parte hartu dezazuen.

Biltzarrean Agoteren sari-banaketa egingo da eta, amaiera gisa, Irati Andak erakustaldi bat egingo digu.

Geure artean izango zaitugulakoan,

OEE – Osasungoa Euskalduntzeko Erakundea

2014ko urria