08. Osasun Jardunaldiak: Neurozientziak
4.5 Esklerosi anizkoitz baten ondoriozko krisi partzial sinpleak bigarrenez orokortuak.
Egileak: I.G. Gurtubay , F. Fernandez Botaya, G. Morales , B. Carrera , I. Carrero , M.I. Iragui , E. Martin
0
Sarrera
Esklerosi anizkoitzean krisien prebalentzia %0.5elik %10.8ra doa. Horietako gehienak orokorrak edo partzialak bigarrenez orokortuak dira. Patogenia desmielinizazio kaltean, lesio neurrian, gliosi erreaktiboan, eta aldaketa zitotoxiko eta metabolikoetan datza.
Emaitzak
35 urteko emakumea. 2 urte aurretik, bi hilabetetan zehar tratamendu gabe konpondu zen hanketako ahulezia jasan zuen, OTA normala izanik. Astebete aurretik ezkerreko hankan martxarik gabeko krisi partzial sinple fokal motore ugari izan zituen. Larrialdiko zerbitzura etorri zen krisi orokor toniko-kloniko baten ondoren.
Lehenengo EEGan oinarrizko aktibitatearen moteltzea eta theta-delta uhinen fokoa eskuin erdiko proiekzioaz ikusi genuen. Bigarren EEG batean uhin zorrotz eta motelen fokoa, paroxismo orokorrekin atsedenean. Paroxismo ugari aktibazioen ondoren. Hemograma, koagulazioa eta biokimika orokorra normalak ziren, eta serologia eta baziloskopia ezezkoak. Erresonantzia magnetikoan (EM) lesio desmielinizatzaile supra eta infratentorialak ikusten ziren, handienak obal zentroetan, batez ere eskuina aldekoan. Karbamazepina eta kortikoideak eman ondoren krisiak zortzi egunetan desagertu ziren.
Kontroleko EMan lesioen neurriaren txikitzea ikusi genuen eta EEGan aktibitatearen normaltasuna. Bi urteko jarraipenean EMaren bi erasan azaldu ditu baina krisirik ez.
Ondorioak
Aurretik epilepsi-aurrekinik edota epilepsiaren beste kausa ezagunik ez izatea, EEG fokoaren topografia, krisien eboluzioa eta mota, eta EMko irudien korrelazio onak, gure gaixoan krisiak eta EMaren kausa-erlazio efektuaren alde egiten dute.
Azken Berriak
Sarean dira "Osatuberri" aldizkariko irakurgai berriak
Donostia Ospitalean ere ospatuko dute Euskararen Eguna
