08. Osasun Jardunaldiak: Neurozientziak
4.9 Garun heriotza ardura intentsiboan. 1997ko epidemiologia
Egileak: G. Txoperena , P. Olaizola , A. Murgialdai , I. Mintegi , K. Reviejo , K. Ibarguren , P. Marco
0
Sarrera
Azken urte hauetan ardura intentsiboek izan duten bilakaerari esker, koma eta beste arazo neurologikoetan emaitza geroz eta hobeak lortu dira. Hala ere, gaixo askoren eboluzioa ez da ona izaten eta garunaren heriotza egiten bukatzen dute.
Gaixo gehienak aireztapen mekanikoari lotuak daudenez, beraien gorputzak manten daitezke organo eta ehunak transplanteetarako aukera ematen dutelarik.
Helburuak
Gipuzkoan, 1997an egon diren garun heriotzaren eta organo emaileen ezagutzea.
Metodoak
Ikerketaren diseinurako zeharkako metodo deskribatzailea erabili da. Aldagaiak: adina, sexua, heriotzaren arrazoia, emaile potentziala edo erreala, emailea baztertzeko arrazoiak, lortutako ehun eta organoak. Datuen iturriak: Arantzazu Ospitaleko Ardura Intentsiboa eta Transplante Koordinakundea.
Emaitzak
Emaile potentzialak 59 izan ziren. Hauetatik 31 (%52.5) emaileak izan ziren (organoak 27 eta ehunak 4) eta ez-emaileak 28 (%47.5). Adinaren batezbestekoa: 46 SD= 18 urte organo emaileetan, 30 SD= 5.8 urte ehun emaileetan eta 52 SD= 18 urte ez emaileetan. Emaile potentzialen heriotzaren kausa: 36 (%61.1) garuneko istripu baskularra, 18 (%30.5) burezur-garuneko traumatismoa, 2 (%3.4) hipoxia eta 3 (%5) bestelakoak. Emaile errealen heriotzaren kausa: 18 garuneko istripu baskularra, 8 burezur-garuneko traumatismoa eta 1 bestelakoa. Organoa ez ematearen zergaitia: 10 asistolia, 5 infekzioa, 4 neoplasia, 3 organo anitzen gutxiegitasuna, 2 senideen ezezkoa, 1 haurduntzaren test positiboa, 1 drogazalea, 1 politransfusioa, 1 laurogei urte baino gehiagokoa eta 1 polikistosia. Sortutako organoak: 52 giltzurrun, 26 gibel, 13 bihotz, 3 hezur-ehun eta 2 birika.
Azken Berriak
Solasaldia Elgoibarren apirilaren 1ean: Osakidetza eta euskara
"Ikerketa-sareak sustatzea da Pediatria Topaketen helburuetako bat"
