08. Osasun Jardunaldiak: Neurozientziak
5.9 Garuna eta zubiaren arteko loturak untxietan
Egileak: A. Bidaurrazaga , J. Azkue , L. Hennequet
0
Sarrera
Ikerketa honetan, markatzaile metabolikoen bidez untxiaren kortexa eta zubiko nukleoen arteko konexioa ikusi dugu. Ezaguna da garuna eta garuntxoaren (zerebeloaren) arteko bide erdian zubiko nukleoak aurkitzen direla, kortexaren area ezberdinetako (motorea, ikusmena, somatosentsoriala) informazioa integratzeko. Horrela beharrezkoa da zubiko nukleoen egitura ezagutzea garuntxoak nola funtzionatzen duen jakiteko.
Proiekzio kortikopontinoen egiturak animalia askotan ikertu dira eta hauek erakutsi dute nola prioekzio horiek antolamentu espaziala duten.
Helburuak
- Garunaren area ezberdinetako proiekzioak ikertu.
- Proiekzioen teilakapena aztertu.
Metodoak
Gure esperimentazio-metodoa garunean WGA-/7/?/3 (wheat-germ-agglutinated horseradish peroxidase, gari haziaren aglutinina errefau perosidasarekin konjokatua) markatzailearen txertaketa geldoekin hasi zen, ikertu genituen areatan: linbikoa, ikusmena, somatosentsoriala eta entzumena. Bi egun ondoren untxia finkatu ondoren zubiko atal guztiak bildu ziren erreakzio histokimikorako, baina garunekoekin hirutik bat bakarrik gordetzen zen. Ebakidura guztiak TMBrekin (tetra- methylbenzidine) prozesatu ziren markatzailea kokatzeko.
Emaitzak
- Untxietan kortex linbikoaren proiekzioa oso ugaria da, bai nukleoetan eta baita bere zabalera errostrokaudalean, gehienbat zubiko gune bentralean.
- Ikusmen proiekzioaren emaitzak zabalak ziren untxietan. Gure emaitzetan ikusi genuen ikusmen area monokularrek proiekzio zabalagoa zuten binokularra baino. Beraz garuntxoan garrantzizkoagoa da ikusmen periferikoa zentrala baino.
- Gure proiekzio somatosentsorialaren markajea erdialdean kokatzen da eta baita nucleus reticularis tegmenti pontis nukleoan.
- Entzumenaren proiekzioa zubiaren alboko aldean kokatzen da zubiaren erdialdean eta aurrealdean zubiko azken zatian
Ondorioak
Proiekzio guztiak batera jartzen baditugu, zubiko erdiko herenean eta alboko aldean teilakapen handia dago eta guztiak ipsilateralak dira. Gune horretan informazioaren prozesamendua gertatzen da garuntxora joan aurretik. Era berean area bakoitzeko proiekzioa beste nukleoekin osatzen da. Proiekzio hauek lamina itxura dute. Zubiko egitura denboraren arabera bilakatzen da, honela bertara heltzen diren hasierako zuntzak erdialdean kokatzen dira eta ondorengoak zubiaren alboetan.
Azken Berriak
"Ikerketa-sareak sustatzea da Pediatria Topaketen helburuetako bat"
"Osatuberri" aldizkariaren zenbaki berria kalean da jada
