Metodoak

MATERIAL ETA METODOAK

97ko Udaran sortu zen Donostiako Laborategi Bateratua (Gipuzkoako Donostialdea, Kostaldea eta Tolosaldea eremu geografikoko osasun zentroei eta Donostiako Osakidetzaren 3 Ospitaleei zerbitzua emateko). HYTWIN programari esker antikoagukatuen kontrolak informatizatu ziren. Pazientea bere osasun zentrora joaten da lagina ateratzeko, mezulari batek herri multzo bateko lagin guztiak jaso eta laborategi bateratura ekartzen ditu, analitika egiten da, dosia eta hurrengo kontrolerako data zehaztu, eta ordenagailuak, modema medio, emaitzak osasun zentroetako FAXetara igortzen ditu ordu biak baino lehenago.

Emaitzak

EMAITZAK

97an paperezko fitxak zeuzkaten 3.733 gaixoen datuak sartu ziren ordenagailura. 98an beste 613 gaixo antikoagulaturen datuak erantsi ziren eta 99an beste 1.317renak. 98an 48.694 kontrol egin ziren eta 99an 51.786. 2.000ren hasieran 3.890 fitxa aktibo dauzkagu. Egunero 250- 300 kontrol egiten ditugu (ospitaleratutako pazienteak barne).

Abantailak: pazienteak bere anbulatoriora joatearekin nahikoa du, paziente askoren kontrolak azkar egitea ahalbidetzen du eta datuen erabilpen estatistikoa errazten du.

Desabantailak: pazientearekiko zuzeneko kontaktua galtzen da eta osasun zentroaren bitartez egiten da, zenbait oharren transmisioa zaildu egiten da, gaizki-ulertuak gehiago dira, eta zenbaitetan FAX bidezko datuen igorpenak arazoak sortzen ditu.

Ondorioak

ONDORIOAK

97an antolatutako Zirkuitua eragingarria izaten ari da gero eta handiagoa den paziente antikoagulatuen multzoa kontrolatzeko. Gaixoak nahikoa du bere osasun zentrora joatea lagina ateratzeko nahiz emaitza jasotzeko. HYTWIN programak hobekuntzak behar ditu, batez ere datuak igortzeko FAXa ez den beste sistema azkarrago eta seguruago bat erabili ahal izateko.