Sarrera

Entzumen bidearen P300 potentzial ebokatua, bi soinu desberdinen sekuentzia baten, bietako bati arreta jarriz lortzen den potentzial kognitiboa da. Horretarako, proba egiten ari zaion pertsonari soinu mota bat agertzerakoan botoi bat sakatzea edo soinu horiek zenbatzea eskatzen zaio. Sumatutako soinuak potentzial ebokatu nabarmen bat sortzen du elektroenzefalogramaren area zentro-parietalaren inguruan, aktibatu egin diren neurona taldeen ondorioz.

Funtzionalki potentzial horren eragiketaz ohartzeko, memoria sentsorialaren eta jakinaren gaineko diskriminazioaaren funtzioek hartzen dute parte.

Bere erabilera klinikoa nahiko murriztua dago, balio normalen aldakortasuna dela eta. Hala eta guztiz ere, beste erabilera batzuen artean, potentzial kognitibo honek Hiperaktibitatearen eta Arreta Falta Sindromearen (TDAH) erantzun terapeutikorako balio du, betiere arreta hondatuta daukate azpitaldean. Tratamendurik gabe ez dute P300-ik sortzen, bai aldiz anfetaminak hartu ondoren.

P300-ren erabilerari buruzko zenbait kasu adierazgarri aurkezten ditugu.