16. Osasun Jardunaldiak: Gaixotasun Kardiobaskularrak
DIETA DESOREKATUA UNIBERTSITATEKO IKASLEETAN
Egileak: I Hoyos2 , A Irazusta1 , E Díaz2 , F Ruiz2 , L Gravina2 , J Gil2
1Erizaintza Saila. Erizaintzako U. Eskola; 2Fisiologia Saila. Medikuntza eta Odontologia Fakultatea; Euskal Herriko Unibertsitatea
Sarrera
SARRERA Gaixotasun kardiobaskularrak ekiditeko dietak duen garrantzia eztabaidaezina da. Gaitz hauek ekiditeko dieta orekatuaren beharra nahitaezkoa bihurtzen da. Populazio-talde batzuek, gazteek kasu, gaur egungo bizi-ohiturak direla eta, elikadura-ohitura eta eredu dietetiko desegokiak bereganatzeko erraztasun handiagoa dute. Beraz, hauen elikadura-ohiturak ezagutzea oso garrantzitsua izango da.Helburuak
METODOAK Ikerketan Euskal Herriko Unibertsitateko zozketaz aukeratutako 111 ikaslek parte hartu zuten, 75 neskak eta 36 mutilek. Ikasleen batez besteko adina 18,3 urtekoa zen. Elikaduraren azterketa hiru egunetako dietaren autoerregistroaren bidez egin zen. Kontsumitutako elikagaiak, elikagaien piramidean oinarrituta, taldeka banatu genituen eta hauek Sociedad Española de Nutrición Comunitaria-k (SENCak) espaniar estatuko populazioari egindako gomendioekin konparatu genituen.Emaitzak
EMAITZAK Emaitzak ondorengo taulan laburbildu ditugu. Lehenengo zutabean ikasleek elikagai-talde bakoitzean jandako batez besteko anoa edo errazio kopurua azaltzen dira eta bigarren zutabean SENCen gomendioak. Taulan adierazten den bezala, ikasleen dietak oso pobreak dira zituen taldeko elikagaietan, barazkietan, frutetan, lekale eta fruitu lehorretan. Gabezia txikiak aurkitzen dira ere esneki eta arrainen taldeetan. Bestetik, gehiegizko ahoratzeak dituzte haragien taldeko elikagaietan, hestebeteetan, gozoki eta guruinen taldean.Ondorioak
ONDORIOAK Ikasleen elikadura aztertuta, oso desorekatua dela esan dezakegu. Bertan ikusten dugu gantz-azido aseetan aberatsak diren elikagaien ingesta oso altua dela, eta bestetik osasungarriak diren elikagaien ahoratzea oso urria dela. Ikasleek hartutako errazioak SENCen gomendioak Zituen taldea 2,3 errazio/egunean 4-6 errazio/egunean Barazkien taldea 0,9 errazio/egunean > 2 errazio/egunean Fruten taldea 1,4 errazio/egunean > 3 errazio/egunean Olio taldea 4,6 errazio/egunean 3-6 errazio/egunean Esnekien taldea 1,85 errazio/egunean 2-4 errazio/egunean Arrainen taldea 2,9 errazio/astean 3-4 errazio/astean Haragien taldea 7,6 errazio/astean 3-4 errazio/astean Lekaleen taldea 1,7 errazio/astean 3-4 errazio/astean Fruitu lehorren taldea 1,7 errazio/astean 3-7 errazio/astean Hestebeteen taldea 4,1 errazio/astean Noizbehinka Gozokien taldea 3,4 errazio/egunean Noizbehinka Opilen taldea 1,8 errazio/egunean Noizbehinka Ikerlan hau Eusko Ikaskuntzak emandako diru-laguntzari esker egina izan da.Azken Berriak
OEEren Osasun Biltzarraren ahozko komunikazioen aurkezpenak ikusgai
Urriaren 25ean Zornotzan egindako Osasun Biltzarraren bideoekin jarraituz, aste honetan ahozko komunikaziopen aurkezpenak aurkituko dituzue ondoko loturan:
https://youtu.be/5-9n9WMRQFc
Ahozko komunikazioak:
- 01:45:37 "Heriotza eta dolu...
OEEren Osasun Biltzarraren bigarren mahai-ingurua ikusgai
Urriaren 25ean Zornotzan egindako Osasun Biltzarraren bideoekin jarraituz, aste honetan bigarren mahai-inguruan parte hartu zuten osasun-arloko profesionalen hitzaldiak aurkituko dituzue ondoko loturetan:
Bigarren mahai ingurua: "Betiko gaix...
