16. Osasun Jardunaldiak: Gaixotasun Kardiobaskularrak
KOKAINA-KONTSUMOA ETA BIHOTZEKO INFARTU AKUTUA
Egileak: A Cadenas , JM Arzubiaga , A Rubio , A Ruiz , C Moreno , JM Agirre , L Gaztañaga
Basurtuko Ospitalea, Kardiologia Zerbitzua.
Sarrera
SARRERA Hainbat ikerketa-lanetan kokaina-kontsumoaren eta bihotzeko infartu akutuaren arteko erlazioa aipatzen da, horretarako mekanismo fisiopatologiko garrantzitsuenak azpimarratuz, hala nola, koronarien tronbosia, koronarien baso-uzkurdura, odol-hodien uzkurdura orokorra, miokardioaren oxigeno-eskariaren igoera eta ateroesklerosiaren arintzea.Helburuak
HELBURUAK Gazte jendearengan kokaina-kontsumoaren gorakada nabaria alde batetik eta bestetik tabakoa ez beste arrisku-faktoredun gazte jendearengan ikusi diren bihotzeko infartu akutuetan kokaina-kontsumoa ikusi denez, kokainaren eta bihotzeko infartu akutuaren erlazioa aztertzea gazteen artean.Metodoak
METODOAK 1996-01-01etik 2004-06-01era bitarteko kasuak aztertzea, horretarako inklusio eta esklusio faktoreak kontuan izanik eta lortutako emaitzekin analisi estatistikoa burutuz.Emaitzak
EMAITZAK Bihotzeko infatu akutuagatik ingresatutako pazienteen % 6,6ak betetzen zituzten inklusio eta esklusioko irizpide guztiak. Gainerako azterketetan bezala, gehienak gizonezkoak eta erretzaileak ziren. Ez da desberdintasunik agertu bihotzekoaren kokapenari dagokionez eta ezta ohiko kontsumitzaileak edo noizbehinkakoak zirenen artean ere.Ondorioak
ONDORIOAK Kokaina arrisku kardiobaskularreko faktore garrantzitsua eta ohikoa da gazteengan. Anamnesi zehatz baten garrantzia bihotzeko infartu akutua jasan duten gazteengan, kokaina-kontsumoak adin-tarte horretan duen prebalentzia kontuan izanik. Kokaina-kontsumitzaileak kokainak dakartzan arriskuez ohartarazteko beharra.Azken Berriak
XVII. Pediatria Topaketak: matrikula egin eta komunikazioak bidaltzeko epea zabalik
Apirilaren 3an XVII. Pediatria Topaketak izango dira Eibarren. Adituen hitzaldi batzuk egongo dira, interesezko gaien inguruan. Gero, elkarrekin aisialdi-tarte bat izan ostean, bertaratutako pediatra eta erizainek beraien lan eta ikerketak aurkezteko au...
Osasungintza euskalduntzearen aldeko atxikimendu-bilketa abiatu dute
"Euskal Herri osasuntsu eta berdinzaleago baten osaketarako ezinbesteko tresna da osasungintza publikoa, duina eta kalitatezkoa. Eta kalitatezkoa izango bada, euskalduna izan beharko da", diote EHE-Euskal Herrian Euskarazek eta Aintzat osasung...
