16. Osasun Jardunaldiak: Gaixotasun Kardiobaskularrak
ARRISKU KARDIOBASKULARREKO FAKTOREAK EUSKAL ERAKUNDE PUBLIKOETAKO ADMINISTRAZIO -LANGILEETAN
Egileak: G Vallejo , E Abasolo , V Prado , E Etxebarria , LC Abecia
Galdakaoko Ospitalea. Zainketa Intentsiboak eta pNeumologia
Sarrera
SARRERA Gaixotasun kardiobaskularrek gaur egungo populazioan daukaten morbimortalitate altua dela eta, gaixotasun-talde garrantzitsuena osatzen dute.Helburuak
HELBURUA Bizkaiko administrazio-langileen arrisku kardiobaskularreko faktore garrantzitsuenak ikertzea.Metodoak
METODOAK Ikerketa-taldea Bizkaiko udaletxe ezberdinetako 639 administrari langileek osatu zuten. Langile hauei egindako laneko osasun-azterketen bidez honako datu hauek aztertu ziren: erretzeko ohitura, gorputzaren masa-indizea, tentsio arteriala, odoleko glukosa-maila, kolesterola, HDL kolesterola, LDL kolesterola eta triglizeridoak, generoaren eta adinaren eragina kontuan izanik.Emaitzak
EMAITZAK Ikertutako aldagai guztietan gizonezkoetan, emakumezkoetan baino maila altuagoak aurkitu izan dira. Gainpisuak eta loditasunak, tentsio arterial altuak eta odoleko glukosa-mailak, kolesterolak, LDL kolesterolak eta triglizeridoek adinarekin gora egiten dute era adierazgarrian. Euskal Autonomia Erkidegoko populazioarekin konparazioa egiterakoan, loditasuna eta gainpisua, tentsio arterial altua, hiperkolesterolemia eta hipergluzemia maila altuagoak aurkitu izan ditugu gure administrari-taldean.Ondorioak
ONDORIOAK Lortutako emaitzek adierazten dute Bizkaiko administrari langileek, adineko gizonezkoek bereziki, arrisku kardiobaskular garrantzitsua eta populazio orokorrak baino altuagoa daukatela. Hortaz, prebentzioko programak ezartzea (dieta aldaketa, ariketa fisikoa egitea, eta abar) beharrezkoa egiten da mota honetako langileetan.Azken Berriak
XVII. Pediatria Topaketak: matrikula egin eta komunikazioak bidaltzeko epea zabalik
Apirilaren 3an XVII. Pediatria Topaketak izango dira Eibarren. Adituen hitzaldi batzuk egongo dira, interesezko gaien inguruan. Gero, elkarrekin aisialdi-tarte bat izan ostean, bertaratutako pediatra eta erizainek beraien lan eta ikerketak aurkezteko au...
Osasungintza euskalduntzearen aldeko atxikimendu-bilketa abiatu dute
"Euskal Herri osasuntsu eta berdinzaleago baten osaketarako ezinbesteko tresna da osasungintza publikoa, duina eta kalitatezkoa. Eta kalitatezkoa izango bada, euskalduna izan beharko da", diote EHE-Euskal Herrian Euskarazek eta Aintzat osasung...
