Helburuak

HELBURUA Lan honek arazoaren epidemiologia, diagnostikoa eta tratamendua aztertu nahi ditu. Bestalde, sortutako lan-ezintasun iragankorra eta iraunkorra ezagutu nahi ditu eta kontingentzia mota, hau da, profesionala, lan-istripua edo gaixotasun profesionala, edo kontingentzia arrunta diren.

Metodoak

METODOLOGIA 2005ean Fremap Mutuan Beasaingo Osasun Zentroan sorbaldako minarekin ikusitako 116 pazienteak.

Emaitzak

EMAITZAK Kasu guztien % 47a gaixotasun profesionala zen, % 43a laneko istripua eta % 10a kontingentzia arrunta. Diagnostikoa klinikoa izan zen gehienbat. Hala ere, % 82,7an erradiografia arrunta egin zen; erresonantzia magnetiko nuklearra % 24,1ean eta bi probak % 20,6an. Tratamenduari dagokionez, % 98,4a antiinflamatorio ez esteroideoekin tratatua izan zen; % 61,2ari errehabilitazioa egin zitzaion; % 4,3ari kortikoideen infiltrazioa jarri zitzaion eta % 3,4ak kirurgia jasan zuen. Laneko ezintasun iragankorra % 58,6ak behar izan zuen, iraupenaren mediana 24 egunekoa izan zelarik. Gehiena, % 78a, gizonezkoengan gertatu zen, eta batezbesteko adina 43 urtekoa izan zen. Lanbideari dagokionez gehienak Okupazioen Sailkapen Nazionaleko 8. taldekoak ziren: Instalazio, makineria eta muntaketako operadoreak, kasu guztien % 53,4arekin, eta hauen barruan gehienak makina-tresnetako operadoreak eta labeetako langileak ziren. % 22,4a langile kualifikatuak ziren eta % 13,8 langile ez kualifikatuak. Beste okupazioetan—teknikariak, administrariak, salmentako langileak, etab.etan— kasu gutxi sumatu ziren.

Ondorioak

EZTABAIDA ETA KONKLUSIOA Patologia hau maizago gertatzen da gizonengan. Lanpostuari dagokionez makina-tresnetako eta labeetako langileek arrisku handiagoa azaltzen dute. Gehienak, % 47a, gaixotasun profesionala dira, esfortzu errepikakorrarekin lotua. Beste % 43an traumatismo baten ondorioa dira. Diagnostikoa klinikoa da, miaketa-probak lagungarri izanik. Tratamendu nagusia kontserbatzailea da, hanturaren kontrako farmakoekin eta errehabilitazioarekin. Kirurgia kasu larrienetarako eta sendatze zailenetarako utzi edo gordetzen da.