17. Osasun Jardunaldiak: Mugimenduaren Osasuna
ERIZAINA BELAUNEKO PROTESIKO EBAKUNTZA IZAN DUTEN PAZIENTEEN HEZITZAILE
Egileak: E Ibarrola , MJ Sánchez , AC Díez , E Montial
TRAUMATOLOGIA ZERBITZUA, TXAGORRITXU OSPITALEA
Sarrera
SARRERA 2006. urtean Txagorritxu ospitalean belauneko protesiko 146 ebakuntza egin ziren. Urte horretan, belauneko protesiko ebakuntza izan zuten pazienteei irakatsi behar zitzaizkien ariketei buruzko zalantzak agertu ziren, traumatologiako unitatean bildu ziren erizain berrien artean. Honekin batera pazienteek informazio gehiagoren eskaera egin zuten; horregatik guztiagatik lan hau egiteko beharra sortu zen.Helburuak
HELBURUAK Belauneko protesiaren prozesuan egin behar diren ariketei buruz erizainek zeukaten ezagupen-maila ezagutu/ baloratu. Belauneko protesiaren prozesuan egin behar diren ariketei buruzko irizpideak batu, belauneko protesiko ebakuntza izan duten pazienteentzat informazio-plana egiteko pazienteei emateko irudi-gida batekin.Metodoak
METODOAK Lan-taldea eratu.Txagorritxuko traumatologia-unitatean lan egiten zuten erizainen artean borondatezko eta bakoitzak berea betetzeko kuestionario bat egin, inkesta pilotu baten bidez balioztatua, belauneko protesiaren prozesuan egin behar diren ariketei buruzko ezagupenak neurtzeko. Ebidentziak bilatu bibliografia bidez eta traumatologoei eta errehabilitazio-zerbitzuan lan egiten zuten fisioterapeutei kontsulta egin. Belauneko protesiaren prozesuan egin beharreko ariketei buruzko irudi-gida bat egin.Emaitzak
EMAITZAK Nahiz eta erizainen % 46k belauneko protesiaren prozesuan egin beharreko ariketei buruzko ezagupen nahikoa zuela pentsatu, % 100ek uste zuen beharrezkoa izango zatekeela ariketa hauei buruzko irudi-gida bat izatea. Inkestaren arabera zailtasunak honako hauek ziren: konplikazioak daudenean zer egin, noiz tolestu daiteke belauna eta ariketak egiteko maiztasuna. Ariketa hauei buruzko informazio-gida bat egin.Ondorioak
ONDORIOAK Gida honek erizainengan eta pazienteengan daukan eragina neurtzeko beharra dago. Zerbitzu bakoitzean osasun-hezkuntzan berariazko prestakuntza jarraitua beharrezkoa da. Prozesu bakoitzeko osasun-heziketan berariazko gidak beharrezkoak dira, batez ere erizainen lan-mugikortasunagatik, pazienteei informazio egokia eta zehatza ematea ziurtatzeko.Azken Berriak
OEEren Osasun Biltzarraren ahozko komunikazioen aurkezpenak ikusgai
Urriaren 25ean Zornotzan egindako Osasun Biltzarraren bideoekin jarraituz, aste honetan ahozko komunikaziopen aurkezpenak aurkituko dituzue ondoko loturan:
https://youtu.be/5-9n9WMRQFc
Ahozko komunikazioak:
- 01:45:37 "Heriotza eta dolu...
OEEren Osasun Biltzarraren bigarren mahai-ingurua ikusgai
Urriaren 25ean Zornotzan egindako Osasun Biltzarraren bideoekin jarraituz, aste honetan bigarren mahai-inguruan parte hartu zuten osasun-arloko profesionalen hitzaldiak aurkituko dituzue ondoko loturetan:
Bigarren mahai ingurua: "Betiko gaix...
