Osasungoa Euskalduntzeko Erakundea

Osasungoa Euskalduntzeko Erakundea

+34 944 001 133

oee@oeegunea.eus

17. Osasun Jardunaldiak: Mugimenduaren Osasuna

INFLAMAZIO ARTIKULARRAREN TRATAMENDUA ISOTOPO ERRADIAKTIBOEKIN. ERRADIOSINOBIORTESIA

Egileak: A Otondo , C Estebanez , E Goñi , C Gil

MEDIKUNTZA NUKLEARREKO ZERBITZUA, NAFARROAKO OSPITALEA


Sarrera

Gehienetan, bai artritis inflamatorioetan bai artrosietan, kalteak sinobitisagatik ematen dira, minarengatik mugikortasuna gutxitzen da eta azkenean artikulazioen desegitea sorrarazten du. Tratamendu lokala tratamendu sistemikoaren osagarria da. Erradiosinobiortesia 50eko hamarkadatik erabiltzen da. Isotopo erradiaktibo batek emititutako erradiazioen bitartez mintz sinobialaren berreraikuntza (ortesia) egin nahi da. 2-5 mmz zatiki koloidal injektatzen da suspentsioan erradionuklidoarekin artikulazioaren barruan, makrofago sinobialak fagozitatzeko eta horrela erradionuklidoak artikulaziotik ezin du ihes egin. Gaur egun eradionuklido “beta” emaileak erabiltzen dira, gamma osagaien erradiazio minimo edo hutsalekin, artikulazioaren arabera energia desberdinekin, sinobiala ez zeharkatzeko eta ondoko ehunetan kalterik ez egiteko. Ytrio-90a (3,6 mmz sartzen dira batez beste) artikulazio handientzat —belauna adibidez—, ernio-186a (1,2 mmz sartzen dira batez beste) tartekoentzat eta erbio-169a (0,3 mmz sartzen dira batez beste) artikulazio txikientzat. Eradiosinobiortesiaren ondoren nekrosi zelularra sortzen da, eta jarraian zelula inflamatorioen proliferazioa eta hiperemia sinobiala murrizten dira. Geroago sinobiako biloen estromaren esklerosia eta fibrosia sortzen dira, azkenean filtrazio sinobiala eta erreabsortzioa edo birxurgapena ere gutxitzen dira. Eradiofarmakoen banaketa frogatzeko artrogammagrafia bat egiten da. Injektatutako erradiofarmakoak duen balaztaketa-erradiazioa aprobetxatuz, edo gamma erradiazioaren bidez (renio-186aren kasuan) edo batera injektatutako erradiotrazadore elkartu batek (normalki perteknetato-99m-Tc-ak) igorritako gamma erradiazioen bidez artikulazioaren gammagrafia egiten da. Artikulazioen barnean erradiofarmakoaren banaketa homogeneoa izaten denean lortzen dira emaitza hoberenak. Lortutako emaitzak oso desberdinak dira kontsultatutako sailetan, faktore askoren arabera: artikulazio mota, estadio ebolutiboa, gaixoen aukeraketa, erabilitako teknika, etab. Hobekuntza ematen da gaixoen% 40tik % 100 arteko kopuruan. Zati bigunen gammagrafiak tratamenduaren emaitzak baloratzea baimentzen du, bere aurkikuntzak sinobitisaren sintoma klinikoekin (mina, hantura, eragozpen funtzionala, isuria, artikulazio hiperemikoa, etab.ekin ) erlazionatzen direlako.

Azken Berriak

Solasaldia Elgoibarren apirilaren 1ean: Osakidetza eta euskara
"Elgoibarko Udalak eta Elgoibarko Izarra elkarteak ´Euskararen Osasuna Osakidetzan´ izeneko solasaldia antolatu dute Osakidetzaren, Gipuzkoako Foru Aldundiaren eta Eusko Jaurlaritzaren babesarekin.   Ekitaldia apirilaren 1ean, ...
"Ikerketa-sareak sustatzea da Pediatria Topaketen helburuetako bat"
Apirilaren 3an egingo dituzte XVII. Pediatria Topaketak, Eibarren, Euskal Herriko Lehen Mailako Pediatria Elkarteak eta Euskal Herriko Pediatria Elkarteak antolatuta, OEE-Osasuna Euskalduntzeko Elkartearen eta UEU-Udako Euskal Unibertsitatearen laguntza...

Berri +

Ugarteburu sariak
Egin bazkide
Gizarte-sareak
facebook twitter
Laguntzaileak
Eusko Jaurlaritza
Bai Euskarari

©OEE

Diseinua: Di-Da Garapena: Bitarlan