17. Osasun Jardunaldiak: Mugimenduaren Osasuna
OSTEOPOROSIA DUTEN PAZIENTE-SAIL BATEAN, CTx MARKATZAILEA ERABILIZ, BIFOSFONATOEKIN EGINIKO TRATAMENDUAREN ERAGINKORTASUNAREN BALORAZIOA
Egileak: I Torre , O Fernandez , ML Garcia , E Galíndez , JM Gorordo , JM Aranburu , E Ucar , JF Garcia
OSTEOPOROSI UNITATEA. ERREUMATOLIGAKO ZERBITZUA, BASURTOKO OSPITALEA
Helburuak
HELBURUAK Gure inguruan bifosfonatoak (errisedronatoak eta alendronatoak) hartzen dituzten osteoporosi diagnostikodun pazienteen artean, hauen eraginkortasuna frogatu nahi zen. Pazienteen jarraipena egiteko Telopeptido karboxi-terminala (CTx) markatzaile gisa baliozkoa ote zen ikertzeko asmoa zegoen.Metodoak
MATERIALA ETA METODOAK Dentsitometria (DEXA) bidez diagnostikaturiko osteoporosien artean, bifosfonatoak hartzen zituzten pazienteak aukeratu ziren ikerlan prospektibo bat egiteko. CTx maila birritan neurtu zen, lehendabizi bifosfonatoekin hasi baino lehen eta bigarren aldiz hiru hilabete pasa ondoren. Bi determinazioen konparaziozko ikerketa egin zen.Emaitzak
EMAITZAK Hirurogeita hemezortzi pazienteen saila lortu zen. CTx-aren balio patologikoa % 5,1 kasuetan behatu zen bakarrik tratamendua hasi baino lehen. Batez besteko CTx-aren balioak bifosfonatoekin hasi baino lehen 394 pg/ml-koa eta hiru hilabete pasatuta 186 pg/ml-koa izan ziren, balioa % 53 gutxitu zelarik. Tratamendua hartuta CTx-aren balioa % 94 kasutan gutxitu zen. Errisedronatoekin eta alendronatoekin lorturiko emaitzak konparatuz, desberdintasun esanguratsurik ez zen aurkitu.Ondorioak
ONDORIOAK CTx-a tratamendu antierresortiboaren eraginkortasuna balioesteko erabilgarria da. Bifosfonatoek hezur-erresortzioaren inhibizioan eragin handia dute. Errisedronatoa eta alendronatoa konparatuz, desberdintasun esanguratsurik ez dago.Azken Berriak
XVII. Pediatria Topaketak: matrikula egin eta komunikazioak bidaltzeko epea zabalik
Apirilaren 3an XVII. Pediatria Topaketak izango dira Eibarren. Adituen hitzaldi batzuk egongo dira, interesezko gaien inguruan. Gero, elkarrekin aisialdi-tarte bat izan ostean, bertaratutako pediatra eta erizainek beraien lan eta ikerketak aurkezteko au...
Osasungintza euskalduntzearen aldeko atxikimendu-bilketa abiatu dute
"Euskal Herri osasuntsu eta berdinzaleago baten osaketarako ezinbesteko tresna da osasungintza publikoa, duina eta kalitatezkoa. Eta kalitatezkoa izango bada, euskalduna izan beharko da", diote EHE-Euskal Herrian Euskarazek eta Aintzat osasung...
