18. Osasun Jardunaldiak: Infekzioak
4.16. GAIXOTASUN INFEKZIOSOEN KOSTU OSPITALARIOA ETA BERE POPULAZIO-KASUISTIKA EUSKAL AUTONOMIA ERKIDEGOAN 2007. URTEAN
Egileak: Iñaki de Pablos Vaca, Joseba Perez de Arriba Diaz de Argandoña, Itziar Gaviña Santamaria, Jaione Pinto Urizar, Raquel Ruiz de la Torre, Rita Martínez de Morentin Rebole
Osasun Saila - Osasun Finantziazio eta Kontratazioko Zuzendaritza
Sarrera
SARRERA Gaixotasun infekziosoak ezagun zaharrak izan arren, gero eta arreta handiagoa dute, beren ondorioak eta kostuak ez baitira inolaz ere gutxitu.
Helburuak
HELBURUAK Hainbat gaixotasun infekziosori dagozkion aldagai nagusien ikerketa deskriptiboa egitea, sexuaren, adinaren eta lurraldearen arabera. Horrela, jarduera asistentzialean eta gastuan duten eragina aztertuko da.
Metodoak
METODOA Zeharkako ikerketa deskriptiboa, 2007an Osakidetzako ospitaleen jarduera eta kostuak erabilita. Iturri-datuak: Explo-GRD aplikazioan lau gaixotasun aztertu ditugu eta dagokien CIE-9-MC diagnostikoen kodifikazioa hauxe da: infekzio sistemikoak (1-139), pneumonia eta gripea (480-487), biriketako gaixotasun buxatzaile kronikoa -BGBK edo EPOC delakoa- (490-491) eta gernu-infekzioa (599).
Emaitzak
EMAITZAK Gaixotasun horien ondorioz, 18.217 alta eta 59 milioi euroko gastua izan ditugu gure ospitaleetan (Gastuen % 6,87 eta alten % 7,78). Populazio bakoitzaren gastua: Araban 33,61€; Bizkaian 26,26€; eta Gipuzkoan 25,47€. Alta medikua jaso zutenen artean, %63,91 gizonezkoak izan dira, eta %36,09 emakumezkoak. Hartutako gaixotasunetan, arruntena eta garestiena pneumonia izan da (gastuen eta alten %31). Adin-taldekoaren arabera, ospitaleratutakoen portzentaje handiena 65 urtetik gorakoen taldean metatzen da. Umeen (0-17) eta gazteen (18-39) artean, arnasbideetako infekzio akutuak dira gaixotasun ohikoenak; hortik aurrera, pneumonia eta BGBK dira alta gehien jasotzen dutenak. Hilkortasun-tasa %5,33koa da gizonezkoen artean; emakumezkoen artean, berriz, %6,16 da. Lurraldeka ikusita, Arabak izan du mailarik baxuena.
Ondorioak
ONDORIOAK Pneumoniek, bai komunitariokoek eta bai nosokomialek, gastuaren eta egonaldiaren kopururik handiena sortzen dute. Bestetik, kontuan hartzekoa da, infekzio-kopuru orokorra askoz handiagoa dela gizonezkoen artean, emakumezkoengan baino, beste osasun-arloetan gertatzen den bezala.
Azken Berriak
Solasaldia Elgoibarren apirilaren 1ean: Osakidetza eta euskara
"Ikerketa-sareak sustatzea da Pediatria Topaketen helburuetako bat"
