18. Osasun Jardunaldiak: Infekzioak
5.23. Karbapenemasen eta integroien detekzioa acinetobacter baumannii-ren imipenemarekiko andui erresistenteetan
Egileak: Elena Sevillano Peña, Cristina Valderrey Labiano, Adelaida Umaran Sanchez, Felicitas Calvo Muro, Lucia Gallego Andres
EHU – Medikuntzako Fakultatea - Immunologia, Mikrobiologia eta Parasitologia Saila; Santa Marinako Ospitalea
Sarrera
SARRERA Acinetobacter baumannii-k ospitaleko infekzioak sortzen ditu, bereziki arnas bideko gaixotasun kronikoak dituztenen artean. Infekzio hauek aminoglukosidoekin edo betalaktamikoekin tratatu ohi dira, baina, gero eta gehiago, antibiotikoekiko erresistenteak diren anduiak agertzen ari dira, hilgarritasun handiko agerraldiak eragiten dituztenak. Integroi bezalako elementu genetiko mugikorren bidez antibiotikoekiko erresistentzia-geneak biltzen dira, eta andui batetik bestera joan daitezke erresistentziak populazioan zehar hedatuz.
Helburuak
HELBURUA Santa Marina Ospitalean 2005. urtean isolatutako Acinetobacter baumannii imipenemarekiko erresistenteak ikertzea karbapenemasen eta I motatako integroien presentzia, eta beste antibiotikoekiko erresistentziak detektatzeko.
Metodoak
METODOAK Santa Marina Ospitalean 2005. urtean imipenemekiko erresistenteak ziren Acinetobacter baumannii-ko isolamendu guztiak (31) aztertu dira. 17 antibiotikoekiko sentikortasuna, agar plakan difusioaren metodoaren bidez aztertu dugu. I motatako integroien eta OXA-40, VIM-1, VIM-2, IMP-1, GIM-1 eta SPM-1 karbapenemasen presentzia polimerasa kate-erreakzioaren bidez ikertu dugu, abiarazle egokiekin.
Emaitzak
EMAITZAK Ikertutako anduien 0a zefotaxima, zeftriaxona, zefipime, aztreonama, ziprofloxazina eta ofloxazinarekiko erresistentea da. %75a baino gehiago meropenema, gentamizina, tobramizina, piperazilina-tazobaktama, tetraziklina, kloranfenikola eta kotrimoxazolarekiko erresistenteak dira. Ikertutako anduientzat eraginkorrenak kolistina (0 sentikorrak), ampizilina-sulbaktama (%79,4), amikazina (%48,3) eta zeftazidima (,3) dira. Isolamendu guztietan I motatako integroiak detektatu dira 550 bp eta 1500 bp arteko tamainakoak. Isolamenduen % 93,3-ak OXA-40 karbapenemasa dute, baina ez da beste karbapenemasarik detektatu.
Ondorioak
ONDORIOAK Antibiotikoekiko erresistentzia altua da eta baita erresistentzia anitza duten andui kopurua. Integroien ugaritasuna kontuan hartzekoa da, erresistentzia geneen mobilizazioan parte hartzen dutelako. OXA-40 karbapenemasaren presentzia nabarmena da, gure inguruan, Iberiar Penintsulan beste leku askotan bezala, endemikoa, baina ez da beste karbapenemasa motarik detektatu.
Azken Berriak
Solasaldia Elgoibarren apirilaren 1ean: Osakidetza eta euskara
"Ikerketa-sareak sustatzea da Pediatria Topaketen helburuetako bat"
