18. Osasun Jardunaldiak: Infekzioak
5.27. Artrozentesia artritis infekziosoan. Lan arriskuen prebentzioa. Laginaren bilketa eta bidalketa
Egileak: Mari Cruz Hernandez de la Granja, Aranzazu Larrazabal Irañeta, Mari Mar Zarate Sañudo, Josefina Arana Basterretxea, Olaia Fernandez Berrizbeitia, Jose Miguel Aranburu Albizuri
Basurtuko Ospitalea - Erreumatologia Zerbitzua
Sarrera
SARRERA Artritis infekziosoa arazo larria da, artikulazioek eta pazientearen bizitzak jasaten duten arriskuagatik. Baieztatzeko diagnostikoa likido sinobialean mikroorganismo baten hazkuntza ikusten denean lortzen da. Antibiogramari esker, bena barnetik eman beharreko antibiotiko eraginkorrena zehazten da. Hori guztia eta egunero egiten den isuriaren husteak sintomatologia hobetzen du eta prozesuaren eboluzioa arintzen du.
Helburuak
HELBURUA Gure Zerbitzuan hartzen diren neurrien berri ematea, erauzketa teknikan langileen lan-arriskuak ekiditeko, eta laborategietara likido artikularraren bidalketaren protokoloa ikustea.
Metodoak
MATERIALAK ETA METODOAK Pazientea ebaluatu ondoren, likido sinobialaren erauzketa egiten da. Pazienteari arriskuen, albo-ondorioen eta konplikazioen berri ematen zaio, eta bere baimena eskatzen zaio. Prozedura erraza da baina teknika esterilen bidez burutu behar da, pertsona jakintsuen bidez, beti prozedura eta protokolo berdinak erabiliz, akatsak gutxitzeko. Pazientea egoera eroso batean jartzen da eta ziztatu behar den aldea agerian jarri. Erizainak, eskuen garbiketa higienikoa egin ondoren, babeserako larruazalak jartzen ditu, agerian dagoen aldea ura eta xaboiarekin garbitzen du, lehortu eta desinfektatu pobidona iodatu alkoholikoa erabiliz, eta ondoren eskularruak kentzen ditu. Fakultatiboak, eskularru esterilak jarri ondoren eta erizainak emandako beharrezko material esterila, ziztada egiten du eta likido sinobialaren erauzketa egiten du. Ziztada bukatu ondoren, alde hori berriro desinfektatzen da eta apositu bat jartzen da. Begirada batean behatzen da likido sinobial horren kolorea eta dentsitatea, eta pazientearen datuak dituzten bi saio-hodi eta ontzi esteriletan banatzen da, horiek guztiek proba biokimikoak, zelulen kontaketa eta mikroorganismoen hazkuntza egiteko, hurrenez hurren. Teknikan erabilitako materiala modu egokian bota egingo da: objektu zorrotzak (edukiontzi zurruna), likidoaren ezabapena (hondakinen edukiontzia), kutsatutako materiala (poltsa gorria) eta beste materiala (poltsa beltza).
Ondorioak
ONDORIOAK 2007. urtean 350 ziztada burutu ziren, 50 kasutan artritis infekziosoaren susmo diagnostikoa egon zen eta laborategiko baieztapena 13 kasutan egon zen. Ziztadak burutu zituzten pertsonengan ez zen inolako lan-istripurik gertatu. Susmodun material septikoaren galera edo irteerarik ez zen gertatu.
Azken Berriak
OEEren Osasun Biltzarraren ahozko komunikazioen aurkezpenak ikusgai
OEEren Osasun Biltzarraren bigarren mahai-ingurua ikusgai
