Osasungoa Euskalduntzeko Erakundea

Osasungoa Euskalduntzeko Erakundea

+34 944 001 133

oee@oeegunea.eus

18. Osasun Jardunaldiak: Infekzioak

5.36. IgM memoriadun B linfozitoak: lehen eragileak bakterioen kontrako defentsan

Egileak: Alaitz Aranburu Txintxurreta, Maria Manuela Rosado , Federica Capolunghi , Ezio Giorda , Simona Cascioli , Rita Carsetti


Sarrera

SARRERA Gizakiengan B linfozitoak hezur muinean sortzen dira eta antigorputzak sortzea da beren funtzio nagusia. Serum-eko antigorputzak afinitate altukoak ala bajukoak, isotipo ezberdinetakoak, nahitako immunizazioen bidez eragindakoak (immunitate adaptiboa) edota sortzetikoak (antigorputz naturalak) izan daitezke. Antigorputzak behar-beharrezkoak dira infekzioen kontra babesteko eta norberaren memoria serologikoa osatzen dute. Teoria honek dioenez, memoria serologikoa bi mekanismotan oinarritzen da: espezifikoa bata, antigeno baten bidezko estimulazioak antigorputz espezifikoen kontzentrazioa igotzen duenean eta inespezifikoa bestea, isotipo guztietako eta espezifitate guztietako antigorputzak sortzen dituena. Azken hauek bakterioen kanpoko mintzan aurkitzen diren osagaiek (PAMPs edo pathogen-associated molecular patterns) eragiten dituzte batik bat. Pertsona helduen odol zirkulazioan dauden B linfozitoen erdiak, gutxi gora behera, memoriadun B linfozitoak dira. CD27 markatzailea espresatzen dute eta mutazio somatikoak dituzte beren immunoglobulina-kateetan. Linfozito hauen frakzio batek IgM markatzailea espresatzen du gainera eta zentro germinatiboak bideratzen ez diren kasuetan ere aurki daitezke. IgM memoriadun B linfozitoak barea behar dute beren biziraupen eta funtziorako eta antigorputz naturalak sekretatzen dituzte, adibidez Streptococcus pneumoniae-ren kontrakoak.

Helburuak

HELBURUA IgM memoriadun B linfozitoek barea beharrezkoa dutela garatu ahal izateko eta enkapsulatutako bakterioen kontrako babes goiztiarra ahalbideratzen dutela erakustea.

Metodoak

METODOAK FACS analisia, immunofluoreszentzia.

Ondorioak

EMAITZAK ETA ONDORIOAK IgM memoriadun B linfozitoak eta hauek sortzen dituzten antigorputzak ezinbestekoak dira S. pneumoniae-ren kontrako berehalako babesa eduki ahal izateko. IgM memoriadun B linfozitoen kopurua asko murrizten da, edo erabat galtzen da, barerik gabeko pertsonengan (ebakuntza edota jaiotzez asplenia duten gizabanakoak). Honez gain, bare-gabetasuna serum-eko anti-PnPS (anti-Pneumococcal Polysaccharide) antigorputzen gutxipenarekin eta infekzioak maiz edukitzeko arriskuarekin lotuta dagoela ikusi dugu. IgM memoriadun B linfozitoen garapena erregulatuta dago: zilborresteko odolean ez dira aurkitzen eta bizitzako lehenengo urtera arte ez dira detektatzen. Haurtxoen artean, IgM memoriadun B linfozitoen gabeziak ondorio hauek ditu: IgM isotipokoko anti-polisakarido kapsularren gabezia, polisakaridoz osatutako txertoen aurkako antigorputz defentsa egokia ezartzeko ezintasuna eta S. pneumoniae-rekiko sentiberatasun handiagoa.

Azken Berriak

Hitzez hitz, etorkizuna berreraiki
Euskaraldia datorren hilabetean izango da eta Debabarreneko Osakidetzako osasun-zentro eta ospitaleetan ekintza ugari antolatu dituzte Debabarreneko ESIko Euskara Batzordeko boluntarioek. Langileak izen-ematera animatzeko, adibidez, soilik ESI...
Osagaiz aldizkariaren zenbaki berria sarean dago
Osagaiz osasun-zientzien aldizkariaren zenbaki berria sarean dagoela jakinarazi nahi dizuegu. OEE-Osasungoa Euskalduntzeko Erakundeak eta UEU-Udako Euskal Unibertsitateak egindako argitalpenean, medikuntzari buruzko denetariko artikuluak aurkituko ...

Berri +

Ugarteburu sariak
Egin bazkide
Gizarte-sareak
facebook twitter
Laguntzaileak
Eusko Jaurlaritza
Bai Euskarari

©OEE

Diseinua: Di-Da Garapena: Bitarlan