Osasungoa Euskalduntzeko Erakundea

Osasungoa Euskalduntzeko Erakundea

+34 944 001 133

oee@oeegunea.eus

20. Osasun Jardunaldiak: Emakumeak eta Osasuna

4.0 Unibertsitateko ikasle nesken elikadura-ohitura aldaketak

Egileak: Amaia Irazusta , Idoia Zarrazquin , Leyre Gravina , Fatima Ruiz

Leioako Erizaintzako Eskola. Medikuntza eta Odontologia Fakultatea. Euskal Herriko Unibertsitatea


Sarrera

Elikadura oso garrantzitsua da bizitza osoan zehar osasuna mantendu eta hobetzeko. Elikadurak gaixotasun kroniko ez-kutsakorretan faktore mugatzaile moduan duen funtzioa ondo ezarria dago (OMS, 2003). Egungo gazteen dietetan dibertsitate falta, “janari azkarren” gehiegikeria eta kanpo-faktoreen dependentzia garrantzitsua behatzen da (Serra eta lank., 2006). Gainera unibertsitatera sartzeak bizi-ohituren aldaketa sakona ekar dezake. Gure helburua unibertsitateko ikasketak jarraitzen dituzten nesken elikadura-ohiturak deskribatzea eta hauen aldaketak ezagutzea izan zen.

Metodoak

Zozketaz aukeratutako 399 ikaslek (288 neskak) parte hartu zuten. Guztiek 3 egunetan jandakoaren auto-erregistroa egin zuten.

Emaitzak

Unibertsitateko ikasleen elikadura ohitura desegokiak dira eta neskek eta mutilek jaten dutenaren artean desberdintasun adierazgarriak aurkitzen dira. Balore absolututan mutilek animalia jatorriko elikagai, gantz eta zereal gehiago hartzen dituzte, eta hartutako energiarekiko proportzionalki aztertzen badugu neskek mutilek baino barazki, fruta, esne eta lekale gehiago aukeratzen dituzte. Unibertsitateko ikasketetan zehar nesken elikadura patroia aldatzen da. Urteak pasa ahala, zereal, olio, lekale eta haragien taldeko elikagai gehiago ahoratzen dituzte.

Ondorioak

Unibertsitateko ikasleek, egungo gazteen elikadura-ohiturak dituzte (Serra eta Aranceta, 2002, Irazusta eta lank., 2008). Hauek desegokiak badira ere, nesken elikadura patroia mutilena baino osasungarriagoa da (Yannakoulia eta lank., 2004). Neskek unibertsitateko ikasketetan zehar bere elikadura-ohiturak txarrera aldatzen dituztela esan daiteke.

Azken Berriak

Hitzez hitz, etorkizuna berreraiki
Euskaraldia datorren hilabetean izango da eta Debabarreneko Osakidetzako osasun-zentro eta ospitaleetan ekintza ugari antolatu dituzte Debabarreneko ESIko Euskara Batzordeko boluntarioek. Langileak izen-ematera animatzeko, adibidez, soilik ESI...
Osagaiz aldizkariaren zenbaki berria sarean dago
Osagaiz osasun-zientzien aldizkariaren zenbaki berria sarean dagoela jakinarazi nahi dizuegu. OEE-Osasungoa Euskalduntzeko Erakundeak eta UEU-Udako Euskal Unibertsitateak egindako argitalpenean, medikuntzari buruzko denetariko artikuluak aurkituko ...

Berri +

Ugarteburu sariak
Egin bazkide
Gizarte-sareak
facebook twitter
Laguntzaileak
Eusko Jaurlaritza
Bai Euskarari

©OEE

Diseinua: Di-Da Garapena: Bitarlan