Osasungoa Euskalduntzeko Erakundea

Osasungoa Euskalduntzeko Erakundea

+34 944 001 133

oee@oeegunea.eus

20. Osasun Jardunaldiak: Emakumeak eta Osasuna

4.0 Ume eta nerabeentzako psikiatriako ospitalizazio zerbitzu batean ingresatzen duten nesken diagnosien gaineko hausnarketa eta berrikusketa.

Egileak: Leire Erkoreka , Aranzazu Fernandez , Talia Rincon , MarĂ­a Carballo , Cristina Leon , Miguel Angel Gonzalez

Psikiatriako BAME. Basurtuko Ospitalea; Psikologia Klinikoko psikologo egoiliarra. Basurtu.


Sarrera

Patologia psikiatrikoaren distribuzioan generoak izan dezakeen eragina ezagutzeko, Basurtuko Ospitaleko Ume eta Nerabeentzako Unitatean, alta diagnosien distribuzioa eta ospitaleratzeen zergatia aztertu ditugu.

Metodoak

56 hilabetetan zehar unitatean ospitaleratzen diren ume eta nerabeen datuak bildu ditugu (n=431), 215 neska eta 216 mutil, altako diagnosia eta ospitalizazioaren zergatia kontutan hartuta batez ere.

Emaitzak

Diagnosi distribuzioa neurri esanguratsuan da desberdina (p<0,001). Desberdintasunak, batez ere, elikadura arazo, atzerapen mental eta, neurri txikiagoan, psikosi eta portaera arazo diagnosien distribuzioan atzematen dira. Ospitaleratze zergati nagusia portaera arazoak dira.

Ondorioak

Ume eta Nerabeentzako Unitate batean ospitaleratzeko erabakia, normalean, gaixotasunaren aurrean etxeko egoera jasangaitza eta kontrolaezina denean gertatzen da. Ospitaleratzeko zergatien distribuzioa kontutan hartuta, hein handi batean portaeren arazoek baldintzatzen dutela ikus dezakegu, eta portaera hauen izaera jasangaitza mutilengan neskengan baino sarriagotan ematen dela dirudi. Elikadura arazoek baldintzatutako sarrera ia guztiak, aldiz, neskenak izan dira. Desberdintasun hauen ildora, eta bibliografian berrikusketa bat eginda, hausnarketa bat egingo dugu, nesken artean sarriagoak diren patologietan sakonduz.

Azken Berriak

Solasaldia Elgoibarren apirilaren 1ean: Osakidetza eta euskara
"Elgoibarko Udalak eta Elgoibarko Izarra elkarteak ´Euskararen Osasuna Osakidetzan´ izeneko solasaldia antolatu dute Osakidetzaren, Gipuzkoako Foru Aldundiaren eta Eusko Jaurlaritzaren babesarekin.   Ekitaldia apirilaren 1ean, ...
"Ikerketa-sareak sustatzea da Pediatria Topaketen helburuetako bat"
Apirilaren 3an egingo dituzte XVII. Pediatria Topaketak, Eibarren, Euskal Herriko Lehen Mailako Pediatria Elkarteak eta Euskal Herriko Pediatria Elkarteak antolatuta, OEE-Osasuna Euskalduntzeko Elkartearen eta UEU-Udako Euskal Unibertsitatearen laguntza...

Berri +

Ugarteburu sariak
Egin bazkide
Gizarte-sareak
facebook twitter
Laguntzaileak
Eusko Jaurlaritza
Bai Euskarari

©OEE

Diseinua: Di-Da Garapena: Bitarlan