Osasungoa Euskalduntzeko Erakundea

Osasungoa Euskalduntzeko Erakundea

+34 944 001 133

oee@oeegunea.eus

20. Osasun Jardunaldiak: Emakumeak eta Osasuna

5.0 12-Bularreko minbizian gongoil zentinelaren biopsia selektiboa: gaixoen jarraipena teknika balioztatze eta aplikazio kliniko faseetan

Egileak: Amaia Otondo , Elena Goñi , Elena Delgado , Lorena Ventura , Patricia Serra , Carmen Estebanez

Erradiodiagnostikoko teknikaria; Medikuntza nuklearreko medikua; Medikuntza Nuklearreko Zerbitzua. Nafarroako Ospitalea. Iruña


Helburuak

Biziraupen globala eta gaixotasunetik aske terminoen bitartez adierazten diren gaixo taldeen arteko alderaketa egitea da. Lehen taldea: gongoil zentinelaren biopsia selektiboa besapeko linfadenektomia (BL) bidez egindako gaixoen jarraipena, teknikaren balioztatze fasean. Bigarren taldea: Aplikazio klinikoko fasean, besapeko linfadenektomian, gongoil zentinelan metastasia aurkezten zuten kasuak bakarrik.

Metodoak

Atzera begirako ikerketa bidez, 148 gaixo aztertu dira, 81 balioztatze fasekoak (2001 eta 2002 urteetan) eta 67 aplikazio klinikoko taldekoak (2003 urtea). 99mTc renio koloidal sulfuroa tumore barruan edo inguruan ziztatu zitzaien, 55-74 MBq dosietan, eta 0.5-1.5 suero fisiologiko bolumenetan. Azterketa anatomopatologikoa, hematoxizilina-eosina eta inmunohistokimikaren bidez egin zen. 2009-ko Martxoa arte eramandako jarraipenean, mamografía, analitikoa markatzaile tumoralekin, BL egin ez zen kasuetan besapeko ekografia eta urteko torax erradiografia sinplea barne hartu da. Mailaketaren eta beren ospitaletako Bular Patologi Unitatearen protokoloen arabera erradio, kimio eta hormonoterapia tratamenduak hartu dituzte.

Emaitzak

Lehen taldean: Egindako jazarpen aldian (34-98 hilabeteak, 83,50±11,4 batez besteko) 81 gaixoetatik, 4 hil dira (%95,1ko biziraupen globala ), 2 bularreko tumorearen odol metastasiagatik eta beste 2 beste tumore batzuengatik, 75 (%92,6) gaixotasunetik aske bizi dira eta beste 2 bularreko tumoreak jota bizi dira. Bigarren taldean : Egindako jazarpen aldian (14-90 hilabeteak, 68,22±10,9 batez besteko) 67 gaixoetatik, 3 hil dira (%95,6ko biziraupen globala ), hauetako 2 bularreko tumorearen odol metastasiagatik. 63(%94) gaixotasunetik aske bizi dira eta beste 1 gaixorik dago. Biziraupen globalean ez da ezberdintasun esanguratsurik aurkitu. Talde bietako pazienteen artean, gertaeren agerpenean Kaplan-Meierren biziraupenenaren analisian diferentzia adierazgarririk ere ez da aurkitu (0,2 log-rank).

Ondorioak

Biziraupen globala eta gaixotasunetik aske dauden taldeen artean ez da estatistikoki ezberdintasun adierazgarririk existitzen. Sei urtetan zehar bildutako jazarpenean gure gaixoetan ez da besapeko errekurrentziarik ikusi.

Azken Berriak

Solasaldia Elgoibarren apirilaren 1ean: Osakidetza eta euskara
"Elgoibarko Udalak eta Elgoibarko Izarra elkarteak ´Euskararen Osasuna Osakidetzan´ izeneko solasaldia antolatu dute Osakidetzaren, Gipuzkoako Foru Aldundiaren eta Eusko Jaurlaritzaren babesarekin.   Ekitaldia apirilaren 1ean, ...
"Ikerketa-sareak sustatzea da Pediatria Topaketen helburuetako bat"
Apirilaren 3an egingo dituzte XVII. Pediatria Topaketak, Eibarren, Euskal Herriko Lehen Mailako Pediatria Elkarteak eta Euskal Herriko Pediatria Elkarteak antolatuta, OEE-Osasuna Euskalduntzeko Elkartearen eta UEU-Udako Euskal Unibertsitatearen laguntza...

Berri +

Ugarteburu sariak
Egin bazkide
Gizarte-sareak
facebook twitter
Laguntzaileak
Eusko Jaurlaritza
Bai Euskarari

©OEE

Diseinua: Di-Da Garapena: Bitarlan