20. Osasun Jardunaldiak: Emakumeak eta Osasuna
5.0 14- 1980-2008 urteen arteko obulutegien borderline tumoreen estatistika. Gurutzeta ospitalea
Egileak: Leire Viguri , Nahia Aia , Maider Andres , Eduardo Ibañez , Iratxe Ocerin , Leire Laza
Gurutzetako Ospitalea. * Galdakao-Usansolo Ospitalea
Sarrera
Obulutegietako borderline-tumoreek obulutegien neoplasia guztien -15a suposatzen dute. Beren ezaugarria estromaren inbasio eza da eta ondoriozko agresibitate txikiagoa. Mota honetako tumore gehienak ugaltze adinean diagnostikatzen direnez eta orokorrean pronostiko ona dutenez gero kirurgia-onkologikoak emakumearen ugaltze-desioak betetzeko ahalik eta kontserbakorren izaten saiatu behar du.
Metodoak
Obulutegietako borderline-tumoreetan kirurgia erradikalak kirurgia kontserbakorragoaren aurrean biziraupena (biziraupen orokorra eta eritasun gabeko biziraupena) hobetzen ez duela berretsi nahi dugu. Honetarako 1980tik 2008rako Gurutzetako Ospitaleko Ginekologi-Onkologikoko Zerbitzuak erregistraturiko 138 obulutegietako borderline-tumoreen analisi erretrospektiboa edo atzera begirakoa egin dugu.
Emaitzak
Kirurgia kontserbakorragoa (anexektomia) izan duten emakumeen eritasun gabeko biziraupen-tasa % 98,3koa da; kirurgia erradikalagoa jasan dutenena (histerektomia osoa anexektomia bikoitzarekin, omentektomiarekin eta pelbiseko linfadenektomiarekin) % 100ekoa da. Honez gain, lehenengo taldearen errezidiba-tasa %3,33 koa da eta bigarren taldearena % 0 koa. Bi talde hauen artean ez dago ezberdintasun estatistiko esanguratsurik.
Ondorioak
Obulutegietako borderline-tumoreen tratamendu kirurgikoaren agresibitatea ez da biziraupenaren ez eta eritasunaren errezidiba-tasaren faktore erabakigarria. Horregatik, eta tumore hauek ugaltze adinean diagnostikatzen direnez gero, tratamendu kirurgikoa ahalik eta kontserbakorren izaten saiatu behar da, kasu bakoitzari egokituz eta emakumearen ugaltze-desioak kontuan hartuz.
Azken Berriak
Hitzez hitz, etorkizuna berreraiki
Osagaiz aldizkariaren zenbaki berria sarean dago
