20. Osasun Jardunaldiak: Emakumeak eta Osasuna
5.0 21- Gurutzetako ospitaleko lagunduriko ugalketa tekniken emaitzak
Egileak: Judith Silva , Haizea Goiti , Ainhoa Azkuenaga , Leire Laza , Iratxe Ocerin , Roberto Matorras
Obstetrizia eta Ginekologia Saila. Gurutzetako Ospitalea
Sarrera
Azkeneko urteetan Lagunduriko Ugalketa Teknikak abiadura handiz ari dira eboluzionatzen. Orain dela 25 urte jaio zen Espainiako ospitale publikoko lehen “probeta-haurra”, Gurutzetako Ospitalean hain zuzen ere, In Vitro ernalketaren (IVE) bidez. Gaur egun ere Gurutzetako Ospitalea Euskadiko Lagunduriko Ugalketa Tekniken erreferentzi gunea da.
Metodoak
2008. urteko Gurutzetako Ospitaleko Lagunduriko Ugalketa Tekniken emaitzak aztertu nahi ditugu: Intseminazio artifiziala, In Vitro ernalketa (ICSI barne) eta obozitoen- ematea. Honez gain, azkeneko urteetako haurdunaldi-tasaren gehikuntza -teknika guztiak kontutan hartuz- aztertuko dugu.
Emaitzak
Guztira 1308 ziklo burutu ziren 2008. urtean 317 haurdunaldi lortuz: %40,9 IVE-ICSIren bidez; ,7 bikotearen espermarekin burututako intseminazio artifizialaren bidez; %35,9 emaile baten espermarekin burututako intseminazio artifizialaren bidez eta % 40,9 obozitoen-ematearekin. Gainera, kontsulta hauetako 129 pazienteek haurdunaldi espontaneoa lortu zuten. Edozein teknika hartuta urteak igaro ahala haurdunaldi-tasa gehituz doala ikus dezakegu.
Ondorioak
Ospitale honetako Giza-Ugalketa Unitateko arrakasta-tasa erreferentziazko beste hainbat ospitaleren oso antzekoa da.
Azken Berriak
Sarean dira "Osatuberri" aldizkariko irakurgai berriak
Donostia Ospitalean ere ospatuko dute Euskararen Eguna
