21. Osasun Jardunaldiak: Ikerkuntza: ezagutzatik ekintzara
Azaleko minbizia terapia fotodinamikoaren bidez tratatua: 7 kasu kliniko
Egileak: Nerea Ormaechea Pérez, Ane Jaka Moreno, Hernán Andres Borja Consigliere, Susana Vildosola Esturo, M. Aranzazu López Pestaña, M. Asunción Arregui Murua, Miren Marquina Iñarrairaegui
Donostia Ospitalea - Dermatologiako Zerbitzua
Sarrera
Keratosi aktinikoak dermatologiako kontsulta arrazoi maizenetarikoak dira. Hauek tratamendurik jaso ezean kartzinoma ezkatatsuetan bilakatu daitezke. Kartzinoma basozelularra eta ezkatatsua minbizi ohikoenak dira gizakiengan. Gehienengan 50 urtetik aurrera azaltzen dira, bizimodua edo lanagatik eguzkitan denbora luze ematen duten pertsonengan batez ere. Tamaina, kokapen, zenbaki eta histologiaren arabera tratamendu mota desberdinak erabiliko ditugu. Keratosi aktinikoak normalean nitrogeno likidoarekin tratatzen dira, eta kartzinoma basozelular eta ezkatatsuak kirurgiarekin. Hala ere TF aukera egokia eta ez inbasiboa izan daiteke kasu askotan.Helburuak
Gure kontsultetan atenditutako keratosi aktiniko, kartzinoma ezkatatsu intraepidermiko eta gainazaleko kartzinoma basozelular 7 kasu aurkeztuko ditugu.Metodoak
Lesioen kuretajea egin ondoren, suero fisiologikoaz garbitu eta azido 5-metilo aminolebuliniko (MAL) topikoa oklusioan aplikatzen zaie. Hiru ordu pasa ondoren, foto sentsibilizatzailea erretiratu eta 635 nm-ko Akilite makinarekin 9 minutuz argitzen da. Amaitzeko, tratatutako azala 48 orduz mantendu behar da estalita. Keratosi aktinikoak sesio bakar batez tratatzen dira, eta kartzinoma ezkatatsu intraepidermikoak eta gainazaleko kartzinoma basozelularrei bi sesio aplikatzen zaie astebete bat tartekatuta.Emaitzak
Pazienteak hilabete barru aztertu ditugu eta sendaketa lortu dugu kasu guztietan. Mina eta erremina argia ipintzean izan eragin desira-gaitz bakarrak.Ondorioak
TF geroz eta gehiago erabiltzen da gaur egun dermatologian. TFak hiru osagai behar du bere helburua lortzeko: foto sentsibilizatzailea, argia eta oxigenoa. Foto sentsibilizatzaileak (MAL) argia (635nm) eta oxigenoaren eraginez, oxigenoaren espezie erretzaileak (oxigeno singlete, batez ere) sortzen ditu, eta azken hauek zelula tumoralak espezifikoki suntsitzen dituzte. TFak onartutako azalpenak honako hauek dira: keratosi aktinikoak, gainazaleko kartzinoma basozelularrak eta kartzinoma ezkatatsu intraepidermikoak. Teknika honen bidez azpimarratu nahi ditugu modu ez inbasiboan lortzen ditugun emaitza onuragarriak, hain ohizkoak diren patologia hauetan.Azken Berriak
Sarean dira "Osatuberri" aldizkariko irakurgai berriak
Osakidetzako euskara-aldizkariaren azaroko hainbat irakurgai daude jada. Horietako batean, Begoña Velasco Bilbo-Basurtuko ESIko Prebentzioko Oinarrizko Unitateko erizainari eta Beatriz Martinez arlo bereko teknikariari hitza eman diete. Osasunbib...
Donostia Ospitalean ere ospatuko dute Euskararen Eguna
Abenduaren 3ko Euskararen Egunaren inguruan, biharramunean, ekitaldia egingo dute Donostia Unibertsitate Ospitalean. Gauzak horrela, hilaren 4an, asteazkenean, besteak beste, Biogipuzkoako adituak izango dira adimen artifizialari eta osasunari buruz hit...
