21. Osasun Jardunaldiak: Ikerkuntza: ezagutzatik ekintzara
Txertoaren onargarritasuna eta H1N1 gripe A infekzioaren arrisku pertzepzioa, osasun langileen artean
Egileak: Amanda Lopez-Picado , Antxon Apiñaniz , Amaia Latorre , Erika Miranda , Naiara Parraza , Raquel Cobos , Patricia Amezua , Felipe Aizpuru
Arabako Ikerkuntza Unitatea - Lehen Mailako Araba Eskualdea
Sarrera
Hainbat ikerketek, osasun langileen A/H1N1 gripearen txertorako onargarritasunak eta pertzepzioak, biztanleengan eragin handia dutela aurkitu dute. Hala ere, badirudi, onargarritasun hori ezberdina dela maila ezberdinen artean.Helburuak
2009ko denboraldian, Arabako lehen mailako atentzioko eta atentzio espezializatuko langileek A/H1N1ren aurkako txertoa ipintzeko asmoa zehaztea. Gripearen infekzio arriskuaren pertzepzioa azaltzea.Metodoak
Zeharkako ikerketa bat da. 2009ko azaroaren 6 eta 16 artean egin zen eta Gasteizko Osasun langileei zuzendutako inkesta elektronikoaren bidez. Txertoa ipini nahi zutenen proportzioa eta baita kutsatzeko arrisku handia zeukatela pentsatzen zutenen proportzioa kalkulatu genituen. Proportzio horiek konparatu genituen, osasun zentroko eta ospitaleko langileen artean.Emaitzak
Kontaktatutako 2.226 pertsonetatik, %5,2k (n=115) erantzun zuen inkesta. Horietatik 75 (% 65,2) ospitaleko langileak izan ziren eta 40 (%34,8) Araba Eskualdeko langileak. Azken hauetatik % 87,5ek (n=35), ez lukete txertoa ipiniko dohainik izango balitz, eta ospitalekoen artean % 67,1ek (n=49). Lehen Mailako Atentzioko %67,5a (n=27), infekzio arriskuan zirelakoan daude eta atentzio espezializatuan %72,6 (n=53), baina ezberdintasuna ez zen estatistikoki esanguratsua.Ondorioak
Txerto kanpaina honen hasieran, gehienek ez zuten A/H1N1 aurkako txertoa ipintzeko asmorik. Hala ere, ospitalean Arabako Eskualdean baino proportzio handiagoa zen. Hala baina, bi kasuetan, A/H1N1ez kutsatzeko arriskua zeukatela pentsatzen zuten.Azken Berriak
XVII. Pediatria Topaketak: matrikula egin eta komunikazioak bidaltzeko epea zabalik
Apirilaren 3an XVII. Pediatria Topaketak izango dira Eibarren. Adituen hitzaldi batzuk egongo dira, interesezko gaien inguruan. Gero, elkarrekin aisialdi-tarte bat izan ostean, bertaratutako pediatra eta erizainek beraien lan eta ikerketak aurkezteko au...
Osasungintza euskalduntzearen aldeko atxikimendu-bilketa abiatu dute
"Euskal Herri osasuntsu eta berdinzaleago baten osaketarako ezinbesteko tresna da osasungintza publikoa, duina eta kalitatezkoa. Eta kalitatezkoa izango bada, euskalduna izan beharko da", diote EHE-Euskal Herrian Euskarazek eta Aintzat osasung...
