21. Osasun Jardunaldiak: Ikerkuntza: ezagutzatik ekintzara
Laparoskopia bidezko alde biko anexektomia profilaktikoa BRCA-1 eta 2 mutazioen eramaileetan. Lehenengo emaitzen analisia
Egileak: Ainhoa Azkuenaga Fernandez, Arantza Meabe Elorza, Gaizka Mallabiabarrena Ormaetxea, Iñaki Brouard Urkiaga
Gurutzetako Ospitalea - Obstetrizia eta Ginekologia Zerbitzua
Sarrera
Obarioko minbizi epitelialen %5-10 herentziazkoak dira, eta gene bati lotuta daude. Herentziazko minbizi hauen %90 BRCA-1 eta 2 geneei lotuta daude.Helburuak
BRCA-1 eta 2 mutazioen eramaileak diren eta aldebiko anexektomia jasan duten emakumeen lehenengo emaitzak aztertzea.Metodoak
Ondorengo pazienteak barne hartu dira: - Bular edo obariotako minbizia pairatu duten 1. edo 2. graduko emakumeak, 3 senitarteko edo gehiago dituztenak. - 30 urte baino lehen, bularreko minbizia dutenak. - 40 urte baino lehen, bular edo obariotako minbizia pairatu duten 1. eta 2. graduko senitartekoak dituztenak. 2007ko apiriletik 2010eko ekainera arte, BRCA-1 eta 2 mutazioen eramaileak ziren 60 emakume identifikatu dira eta hauetatik 16 pazientek ebakuntza onartu dute.Emaitzak
Anatomia patologikoari dagokionez, 12 kasutan obarioetako ehun normala izan dugu, 3tan obarioetako ehun atrofikoa eta kasu 1en Brenner tumorea. Zitologia, kasu guztietan normala izan da. Ez da deskribatu konplikaziorik prozeduran zehar.Ondorioak
Prozedura hau BRCArekin erlazionatutako obario minbizi familiarraren arriskua murrizteko baliagarria dela deritzogu. Dena den, beharrezkoa da lagin handiagoa eta eboluzio luzeagoaren kontrola, epe luzeko ondorioak ateratzeko.Azken Berriak
XVII. Pediatria Topaketak: matrikula egin eta komunikazioak bidaltzeko epea zabalik
Apirilaren 3an XVII. Pediatria Topaketak izango dira Eibarren. Adituen hitzaldi batzuk egongo dira, interesezko gaien inguruan. Gero, elkarrekin aisialdi-tarte bat izan ostean, bertaratutako pediatra eta erizainek beraien lan eta ikerketak aurkezteko au...
Osasungintza euskalduntzearen aldeko atxikimendu-bilketa abiatu dute
"Euskal Herri osasuntsu eta berdinzaleago baten osaketarako ezinbesteko tresna da osasungintza publikoa, duina eta kalitatezkoa. Eta kalitatezkoa izango bada, euskalduna izan beharko da", diote EHE-Euskal Herrian Euskarazek eta Aintzat osasung...
