21. Osasun Jardunaldiak: Ikerkuntza: ezagutzatik ekintzara
Etengabeko hobekuntza sendagai esterilen prestaketan, fluxu laminar horizontaleko kabinetan
Egileak: Elixabete Rodríguez García, M.Rosario Uriarte Beascoechea, Amaia Esteban Lucas, Luis Mendarte Barrenechea
Basurtuko Ospitalea - Zainen arteko Nahasketen Unitatea - Farmazia Zerbitzua
Sarrera
Zainen arteko Nahasketen Unitatean zain barneko elikadurak eta beste sendagai esterilak (nahasketak) prestatzen dira. Honetan, langile gaituek eta adituek metodologia zorrotz eta berezi baten bidez sendagaien osaera, esterilitatea eta egonkortasuna bermatzen dituzte. Gainerako Zerbitzutik bereizia, sarbide mugatuko “gela garbi” bat dauka, “Fluxu Laminar Horizontaleko Kabina” batekin. Bertan, nahasketak egiten dira teknika aseptikoa erabiliz eta farmazialari baten zuzendaritzapeko protokolo zehatza jarraituz.Helburuak
Helburu nagusia nahasketa eraginkorra eta ziurra lortzea da. Helburu zehatza nahasketen elaborazio-zirkuituan arau eta prozedurak ikuskatzea da.Metodoak
Deskripzio lana da, sendagai esterilen elaborazioan jarraitzen ditugun arauak eta prozedurak berrikustatzen ditugula. Prestaketetan kalitaterik onena ziurtatzeko hobetzeko puntuak aztertzen ditugu.Emaitzak
2010ean 8.462 nahasketa egin ziren eta 514 laginketa jaso ziren, denak negatiboak suertatuz esterilitateari dagokionez. Nahiz eta emaitza hauek ezin hobeak izan, gure jardunbide estandarizatuko protokoloa berrikusiz gero, ahulguneak antzematen dira eta etorkizun hurbilean ezartzeko hobekuntza-estrategiak proposatzen dira: -Ingurumen-kontrola prestaketa aldian. -Elaboratutako nahasketa guztien esterilitate-kontrola. -Azken produktuen osaketaren kontrola.Ondorioak
Nahasketen elaborazioaren gure protokoloa ISO 9001-2000k bermatua da, baina garrantzia handikoa da etengabeko eguneratzea eta pertsonalaren berrikuspena, baita erabilitako teknikaren eta prozedura-arauen berrikuspena, teknologia eta antolakuntzako berrikuntzei egokituz. Elaborazioa kontrolatuko duten faktore guztiak hartuko dituen gida bat edukitzeak, nahasketen prestaketan kalitate handiagoa ekarriko du, horien segurtasunean eragina izango lukeen balizko edozein motatako hutsa aurreikusiz.Azken Berriak
Sarean dira "Osatuberri" aldizkariko irakurgai berriak
Osakidetzako euskara-aldizkariaren azaroko hainbat irakurgai daude jada. Horietako batean, Begoña Velasco Bilbo-Basurtuko ESIko Prebentzioko Oinarrizko Unitateko erizainari eta Beatriz Martinez arlo bereko teknikariari hitza eman diete. Osasunbib...
Donostia Ospitalean ere ospatuko dute Euskararen Eguna
Abenduaren 3ko Euskararen Egunaren inguruan, biharramunean, ekitaldia egingo dute Donostia Unibertsitate Ospitalean. Gauzak horrela, hilaren 4an, asteazkenean, besteak beste, Biogipuzkoako adituak izango dira adimen artifizialari eta osasunari buruz hit...
