Helburuak

Teknologia aplikatu honen funtsa, gaixo kronikoen gorakadari aurre egitea da, gaixo hauen jarraipen medikoa e-health teknologien bitartez eginez. Beti ere, gaixoaren jarraipen egokia bermatuz eta era berean, medikuaren aurrez aurreko interbentzioak gutxituz.

Metodoak

Saludnovaren zerbitzuen artean, CarelineH@me sistemak erabiltzaileen bizi konstanteak puntualki neurtzea ahalbidetzen du, gailu mugikor eta sentsoreen bidez. Honez gain, gailuaren pantailatik sintomei buruzko galdeketa bat egiten da. Gailu mugikor honetan dagoen software adimendunak dakarren berrikuntza, datuen tokian tokiko azterketa egitea da. Ez ohiko egoeraren bat suertatuz gero, aplikazioa alarma bat sortzeko gai da, informazioa telefono mugikor edo/eta e-mail batera bidaliz. Web Kudeatzailearen bidez zaintzaile eta profesionalek gaixo kronikoaren jarraipena eta gailuak egiten duen tokiko azterketaren pertsonalizazioa egin ditzakete (erabiltzailearen ezaugarrien arabera). Sistema honen onuretako bat gaixo kronikoak beraien gaixotasunaz jabetzea da, mediku eta gaixoen arteko elkarrekintza bat ahalbideratuz. Teleasistentzia alorrean aldiz, AssisM@bile zerbitzua, GPS bidez erabiltzailearen kokapena emateko gai den gailu eramangarri, erabilerraza eta Web Kudeatzaileaz osatutako sistema da. Erabiltzaileak arazoren bat baldin badauka, gailu mugikorraren bidez komunikatuko zaio bere arduradunari (laguntza zentro espezializatu, senide, e.a.). Komunikazio hau bi eratara gerta daiteke: erabiltzaileak botoi bat sakatuz, edo automatikoki, gailuak sentsoreen bidez arazoa antzeman baldin badu. Bestalde, Web Kudeatzailearen bidez jarraipena eta alarma automatikoak sortarazteko baldintzen pertsonalizazioa egin daitezke. Helburua erabiltzailea uneoro babestea da, bere segurtasuna eta senideen lasaitasuna bermatuz.

Ondorioak

Osasun arloa, teknologia berriak direla medio, eboluzionatzen ari dira; e-Osasuna  m-Osasuna  i-Osasuna. Saludnovak eskaintzen duen teknologia onuragarria izan dakioke osasun alorra osatzen duten partaide guztiei, profesional zein erabiltzaileei, osasun zerbitzuen kostua jaisteaz gain, gaixoen eta hauen familien bizi maila hobetzen lagunduko baitu.