Osasungoa Euskalduntzeko Erakundea

Osasungoa Euskalduntzeko Erakundea

+34 944 001 133

oee@oeegunea.eus

21. Osasun Jardunaldiak: Ikerkuntza: ezagutzatik ekintzara

Bularreko gongoil zentinelaren teknologia berriak: gamma kamera mugikorra eta osna

Egileak: Amaia Otondo Barrenetxe, Elena Goñi Girones, Elena Delgado Fuentes, Lorena Ventura Morata, Pedro Leon Solis, Carmen Estebanez Estebanez

Nafarroako Ospitalea - Medikuntza Nuklearreko Zerbitzua


Sarrera

Ospitalean duela gutxi gamma kamera mugikorra (Sentinella®, Oncovision) erabiltzen hasi da eta azterketa anatomia patologikoa operazio barneko egiten da, OSNA-ren bidez, bularreko minbiziaren gongoil zentinelaren kirurgian. Aurrerapausu izugarria izan da bularreko minbizia duten gaixoen tratamenduan.

Helburuak

Teknologi berri hauek sartu eta bularreko kirurgia operazio barneko protokoloa baieztatu.

Metodoak

Ebakuntzan, gamma kameraren erabilerak asepsia beharrezkoa du, zauri kirurgikoa ez kutsatzeko. Horretarako, funda esterilarekin, bai kameraren besoa, monitorea eta kamera eramaten duen detekzio zunda ere babestu behar dira. Behin babestu ondoren gune kirurgikoa erabiltzeko prest daude. Lesioa ebaki baino lehen, linfogammagrafian ikusitako migrazio patroia erreferentzia bezala hartuta, besapeko gongoil zentinelaren eta/edo bular barruko katearen lokalizazioa aurkitzeko, bi irudi egiten dira. Lesioa ireki ondoren, zunda eta irudi bidez gidatuta aurkitutako gongoilak kentzen dira. Gongoila edo gongoilen irudi bat egiten da (30seg/irudiko) eta zundaren bidez gongoil horiek emandako zenbakizko emaitzak hartzen dira. Ateratako lagina anatomia patologikora eramaten da OSNA-metodoaren bidez ikertzeko, honek ARNm CK19 neurtzen du. 40 minututan gongoil horien emaitzak jakiten dira, positiboa edo negatiboa den. Positiboa bada operazio berean kate guztia kentzen da, beste operazio bat egitea saihesten delarik. Bukatzeko, hondarreko aktibitaterik geratu ote den ikusteko, berriro zunda besapetik pasatzen da eta irudi bat egiten da.

Emaitzak

Urte honetan teknika honen bidez 252 gaixo tratatu ditugu.

Ondorioak

-2 teknika hauek aurrerapausu handia ematen dute gongoil zentinelaren kirurgian. Gamma kamera mugikorrak lokalizazioan laguntzen du eta OSNAk azterketaren emaitzan. -Protokoloa jakiteak eta aplikazioak denbora kirurgikoaren murrizketa dakarte. -Lan talde guztiaren koordinazioa beharrezkoa da, ez bakarrik talde kirurgikoarena, beste zerbitzu batzuk ere parte hartzen dute, medikuntza nuklearra, anatomia patologikoa.

Azken Berriak

XVII. Pediatria Topaketak: matrikula egin eta komunikazioak bidaltzeko epea zabalik
Apirilaren 3an XVII. Pediatria Topaketak izango dira Eibarren. Adituen hitzaldi batzuk egongo dira, interesezko gaien inguruan. Gero, elkarrekin aisialdi-tarte bat izan ostean, bertaratutako pediatra eta erizainek beraien lan eta ikerketak aurkezteko au...
Osasungintza euskalduntzearen aldeko atxikimendu-bilketa abiatu dute
"Euskal Herri osasuntsu eta berdinzaleago baten osaketarako ezinbesteko tresna da osasungintza publikoa, duina eta kalitatezkoa. Eta kalitatezkoa izango bada, euskalduna izan beharko da", diote EHE-Euskal Herrian Euskarazek eta Aintzat osasung...

Berri +

Ugarteburu sariak
Egin bazkide
Gizarte-sareak
facebook twitter
Laguntzaileak
Eusko Jaurlaritza
Bai Euskarari

©OEE

Diseinua: Di-Da Garapena: Bitarlan