21. Osasun Jardunaldiak: Ikerkuntza: ezagutzatik ekintzara
Nahasketa murriztea, joera adierazlea (Propensity Score) metodoaren bidez
Egileak: Lorea Martinez Indart, A. Urkaregi Etxepare, J. I. Pijoan Zubizarreta
Gurutzetako Ospitalea - Epidemiologia Klinikoko Unitatea
Sarrera
Ebakuntza baten ondorioak aztertzeko egokiena den ikerketa mota saio klinikoa da. Hala ere, askotan ikerketa mota hau egitea ezinezkoa da eta gehienetan informazioa behaketa ikerketatik ateratzen da. Baina ebakuntzaren ondorioei buruzko inferentziak egiteko behaketa ikerketatik abiatzeak arazoak ekar ditzake, emaitzetan eragina izan dezaketen beste faktore ezezagun batzuk egon daitezkeelako (“nahasketa” deituriko fenomenoa).Helburuak
Nahasketa murriztea, Joera Adierazlea (Propensity Score) metodoan oinarrituriko parekatze tekniken bidez.Metodoak
Joera Adierazlea faktore desberdinek baldintzaturiko tratamendu bat jasotzeko probabilitatea da. Joera Adierazlearen balio zehatz baterako, tratatu eta ez tratatuen artean banakako ezaugarri desberdinak homogeneoki banaturik egotea lortzen da. Hortaz, tratamenduaren ausazko esleipenaren mekanismoa berregiten da. Joera Adierazlea erregresio logistikoaren bidez kalkulatzen da, menpeko aldagaia tratamendua izanik. Oso garrantzitsua da aldagai independenteen aukeraketa alborapenaren gehikuntza ekiditeko. Emaitzarekin erlazionatuta dauden aldagaiak sartu behar dira ereduan, tratamenduarekin erlazionatuta egon edo ez. Joera Adierazlean oinarritutako parekatze teknika erreperfusioa egiteak, hurrengo hilabetean hiltzean duen eragina aztertzeko aplikatu dugu. Erabili dugun parekatze teknika mota auzokorik hurbilenaren teknika izan da.Emaitzak
Erreperfusioa egiteak hurrengo hilabetean hiltzean duen eragina datu gordinekin honako hau da: 1,763 (%95 KT 1,343-2,316). Erreperfusioa egiteak hurrengo hilabetean hiltzean duen eragina parekatze-tekniken bidez honako hau da :1,240 (%95 KT 0,915-1,681).Ondorioak
Kalkuluak datu gordinekin zehaztean, erreperfusioa egiteak, hurrengo hilabetean hiltzearekin erlazionatuta dagoela ikus dezakegu. Joera, ordea, adierazlean oinarritutako parekatze teknikak erabili eta gero, tratamenduaren efektua heriotzarekin ez da adierazgarria. Nahasketa zuzendu dugula adierazten du horrek.Azken Berriak
Sarean dira "Osatuberri" aldizkariko irakurgai berriak
Osakidetzako euskara-aldizkariaren azaroko hainbat irakurgai daude jada. Horietako batean, Begoña Velasco Bilbo-Basurtuko ESIko Prebentzioko Oinarrizko Unitateko erizainari eta Beatriz Martinez arlo bereko teknikariari hitza eman diete. Osasunbib...
Donostia Ospitalean ere ospatuko dute Euskararen Eguna
Abenduaren 3ko Euskararen Egunaren inguruan, biharramunean, ekitaldia egingo dute Donostia Unibertsitate Ospitalean. Gauzak horrela, hilaren 4an, asteazkenean, besteak beste, Biogipuzkoako adituak izango dira adimen artifizialari eta osasunari buruz hit...
