21. Osasun Jardunaldiak: Ikerkuntza: ezagutzatik ekintzara
Umetoki lepoko lesioetatik isolatutako giza papilomabirus 16 genotipoaren azterketa
Egileak: Esisabet Arrese Arratibel, Miren Basaras Ibarzabal, Laila Sara Arroyo Mühr, Silvia Hernaez Crespo, Daniel Andia Ortiz, Ramon Cisterna Cancér
Euskal Herriko Unibertsitatea (UPV/EHU) - Immunologia, Mikrobiologia eta Parasitologia Saila; Basurtoko Ospitalea - Mikrobiologia eta Infekziorako Kontrolaren Zerbitzua; Basurtoko Ospitalea - Ginekologia Zerbitzua
Sarrera
Giza papilomabirus genotipo ugari ezagutzen dira, 150 baino gehiago eta infekzio mota ezberdinak sortzen dituzte. Horietatik genotipo batzuek mukosetako infekzioak eragiten dituzte. Horretaz gain, giza papilomabirus genotipo batzuek minbiziaren eragile direla antzeman da. Honela, giza papilomabirus 16 genotipoak umetoki lepoko minbiziaren eragilerik garrantzitsuena da. Genotipo hau orain dela gutxi erabiltzen hasi den txertoan barneratuta dago.Helburuak
Ikerketa honen helburua, gure ingurunean isolatzen diren giza papilomabirus 16 genotipoa aztertzea izan da. Umetoki lepoko lesioetatik isolatutako 16 genotipoa duten giza papilomabirusak aztertu dira. Honela, genotipo honen barnean aurkitu daitezkeen aldaera ezberdinak antzeman ditugu.Metodoak
Umetoki lepoko lesioak zituzten 45 paziente aztertu dira. Lesio hauetan polimerasaren kate erreakzioa (PCR) eta hibridazio teknikak erabiliz (Kit Linear Array HPV Genotyping Test, Roche Molecular System) giza papilomabirus 16 genotipoa antzeman da. Ondoren, giza papilomabirus 16 duten emakumeen lagin hauetan DNAren erauzketa egin eta E2, E6, E7, L1 eta LCR geneen PCR burutu da. Ondoren, PCRren bidez anplifikatutako zatiak sekuentziatu eta sekuentzia hauek erreferentzia genomekin erkatu dira, BLAST erabiliz.Emaitzak
EMAITZAK Aztertu diren 45 laginetatik, 36 (% 80) europar aldaera, 5 (% 11) asiar-amerikar aldaera, 3 (% 7) afrika-1 aldaera eta 1 (% 2) afrika-2 aldaerari dagozkie.Ondorioak
ONDORIOAK Giza papilomabirus 16 genotipoaren zonalde ezberdinen (E2, E6, E7, L1 eta LCR) PCR eta sekuentziazioak 16 genotipoaren barnean dauden aldaera ezberdinak ezagutzea ahalbidetzen du. Halere, gure ingurunean maiztasun handienean agertzen den europar aldaeraren inplikazio pronostikoak ezagutu beharko dira. Ikerketa hau 2008111058 proiektuari esker burutu da (Osasun Saila, Eusko Jaurlaritza).Azken Berriak
XVII. Pediatria Topaketak: matrikula egin eta komunikazioak bidaltzeko epea zabalik
Apirilaren 3an XVII. Pediatria Topaketak izango dira Eibarren. Adituen hitzaldi batzuk egongo dira, interesezko gaien inguruan. Gero, elkarrekin aisialdi-tarte bat izan ostean, bertaratutako pediatra eta erizainek beraien lan eta ikerketak aurkezteko au...
Osasungintza euskalduntzearen aldeko atxikimendu-bilketa abiatu dute
"Euskal Herri osasuntsu eta berdinzaleago baten osaketarako ezinbesteko tresna da osasungintza publikoa, duina eta kalitatezkoa. Eta kalitatezkoa izango bada, euskalduna izan beharko da", diote EHE-Euskal Herrian Euskarazek eta Aintzat osasung...
